Vaken og Vågal i Vågå

Solfest i Sjårdalen

2012-02-16T14:24:00.013+01:00

Torsdag 16.februar vart det arrangert solfest i Sjårdalen. Og jammen dukka ikkje sola opp undervegs i festen også!

Alle ungane syng songar om sola.

Dans frå Dunderly ved ungane i barnehagen.

Norrøn mytologi Odin ønskjer å bli vis, og vil difor drikke frå brønnen til Mime. For å få lov til det må han byte bort auga sitt.

Så kom vi til høgdepunktet; dramatiseringa av Trymskvida.
Trymskvida går i korte trekk ut på at jotnen Trym stjel hammaren frå guden Tor. For å få attende hammaren krev Trym å gifte seg med Frøya.

Frøya vil slett ikkje gifte seg med Trym. Dei blir difor einige om at Tor skal kle seg ut som Frøya, og at dei skal lure Trym.

Det ender med at Tor drep Trym og får attende hammaren sin.

Tusen takk til Sjårdalen oppvekstsenter for flott underhaldning frå ungane og elevane, og takk til alle som hadde møtt opp for å sjå på. Dette var absolutt ei oppleving verdt å få med seg!

Til Madagskar for å finne kakao

2012-02-16T14:07:00.006+01:00

Det er sjokolade som står på menyen i smaksprosjektet om dagen. Ungane i alle dei kommunale barnehagane lærer mykje om sjokolade; korleis han smakar og kor han kjem fram.

I dag skulle ungane i Søre Grindstugu barnehage lage to typer med sjokolademjølk; ein med kakaopulver og ein med sjokolade i. Og kor må ein reise for å finne ingredienser? Jo; til Madagaskar!

Ro, ro, ro din båt - heilt til Madagaskar!

Sjokolade er henta frå Madagaskar og vi kan lage sjokoladedrikk.

Spanande å smake på ulike typer sjokolademjølk, og ikkje minst å lære kvar sjokolada i butikken eigentleg kjem frå!

Regnmakardag for 5-7.klasse

2012-02-15T12:01:00.015+01:00

13. og 14.februar hadde Vågåmo og Lalm skule besøk frå Regnmakarane og Klimapark 2469 som hadde sett saman eit kjempeopplegg for oss. Vi lærte kva ein Regnmakar er og vi lærte om energi, klima, miljø og om søppelsortering. Sjå bilete her.

Ballongbil-bygging
Elevane på Vågåmo skule i full gang med å byggje ballongbil. På slutten av dagen skal det vere konkurranse; kven kan få bilen til å gå raskast berre ved hjelp av luft i ballongen?
Konkurranse mellom 5.klasse om kven som skal representere dei i superfinalen på slutten av dagen.

Kjeldesortering
Kurshaldar og regnmakar Hans Christian Johnson fortel om kjeldesortering, og oppfordrar også elevane til å jobbe for at Vågå kommune blir flinkare på kjeldesortering.

Søpplesorteringskonkurranse på Lalm.

Vær, klima og is
Klimapark 2469 hadde ein eigen post om vær og klima, og der elevane fekk lov til å bli kjend med isen sine fantastiske eigenskapar.

Konkurranse og oppsummering
Den store ballongbilkonkurransa på Vågåmo skule er i gang.
Det stolte vinnarlaget i ballongbilkonkurransa.

Eit kjemisk ekspriment på slutten. Vernebrilla må på. Spenningen stiger; kva skjer når vi heller innhaldet i denne over i den andre?

"Det er mitt val"

2012-01-26T14:20:00.006+01:00

Onsdag 25.januar vart det arrangert kursdag for tilsette frå 1-4.trinn i skulemiljøopplegget "Det er mitt val".

Det er mitt valg er et undervisningsopplegg om klassemiljøutvikling og forebyggende arbeid i grunnskolen og i videregående skoler støttet av Lionsklubbene i Norge. Det er mitt valg” er eit metodisk verktøy for bruk i heile utdanningsløpet, og gjev skular og barnehagar tilgang til ei redskapskasse med bøker, idéhefte, foreldrehefte, temahefte, musikal mm.

Oppvekstsjef, Jan Egil Fossmo, var også til stades under deler av kurset og såg ut til å ha stort utbytte.

Målet med kurset er eit meir systematisk arbeid for å skape eit betre skulemiljø. Det er eksremt viktig mellom anna for å forebyggje mobbing.

Tusen takk til Lions for ein flott kursdag. Vi trur dette vil kome til stor nytte i arbeidet med skulemiljø i Vågå. Takk også til kurshaldar Marianne Jansson (som pussig nok kjem frå Vågås vennskapskommune i Sverige, Tierps kommun).

Energikamp for tilsette

2012-01-25T16:06:00.011+01:00

Har du lurt på kva lærarane driv med når elevane har fri? Her kan du få svaret.

Onsdag 25.januar hadde dei tilsette frå 5-7.klasse kursdag i Regnmakarane. Hans Christin Johnson frå Enova og Hamar naturskule hadde lagd eit innhaldsrikt opplegg for tilsette i Vågå og for to representantar frå Klimapark 2469.

Oppgåva er å byggje kvart sin luftrakett.

Kven kan få luftraketten lengst? Alle må delta!

Og her er vinneren

Etter ein halv dag inne, er det på tide å bevege seg ut. Vi skal ha energikamp i skulegarden. Vi blir delt inn i fem lag, og skal gjennom løypa som elevane får prøve kvart einste år.

Både Vågåmo skule og Lalm skule har ein ambisjon om å bli Regnmakerskule. 13. og 14. februar kjem Hamar nturskule på nytt besøk for å ha byggjedag med elevane våre. Dette vil bli introduksjonen til Regnmakarane dette halvåret.

8.juni blir det arrangert Energikamp i Vågå. Då vil det bli leik og læring for elevane. Og ikkje minst vil det bli kåra ein vinnar!

Odin mista auga sitt

2012-01-11T13:50:00.005+01:00

På Sjårdalen oppvekstsenter skjer det litt av kvart. Her om dagen fekk elevane oppleve at den mektige og vise guden Odin byta bort auga sitt mot visdom.

Odin ville så gjerne vita alt som har skjedd og alt som skulle skje i verda. Difor ville han gjerne få drikke frå brønnen til Mime (Mime er også Gud i norrøn mytologi, og vart rekna som den klokaste guden).
Her ser du guden Mime.

Mime ville ikkje dele noko med Odin. Men Odin ville så gjerne få ein liten smak av vatnet, og lova det eine auga sitt i byte for ein liten slurk. Det gjorde Mime raskt meir interessert.
Odin gjev bort auga sitt.

Slik gjekk det til, Odin tok ut det eine auga sitt, og bytte det mot ein slurk frå brønnen til Mime. Difor har odin berre eitt auga.

Dramatiseringa av denne historia frå norrøn mytologi stod lærarane Else Stade og Olav Tøfte for. Dette var starten på arbeid om norrøn mytologi som 1-4.klasse no jobbar med.

Vil du medverke i kulturveka i Vågå?

2012-01-10T09:22:00.002+01:00

I veke 24 (11-16.juni) skal vi arrangere ei kulturveke i Vågå. Kulturveka skal i hovudsak vere for ungar i barnehage og elevar i skulen, men vi ønskjer å aktivisere heile lokalsamfunnet. Kulturveka skal gje innbyggjarane våre kjennskap til ulike kulturuttrykk, og vi ønskjer at ungane skal få kjennskap til både eige kultur og andre kulturar. Møte mellom ulike kulturar er også noko vi ønskjer skal stå sentralt – for å vise at Vågå er ein del av verda og at verda også er ein del i Vågå. Kulturveka er ein del av skuleprosjektet i Vågå der politikarane har sett seg som målsetting å lage Noregs beste skule.

Veka vil i hovudsak bestå av verkstader der både elevar, ungar og foreldre vil få moglegheit til å fordjupe seg i kunnskap og kompetanse på ulike kulturuttrykk. Dette kan vere musikk, dans, drama, handverk, natur eller kunnskap om kulturminne. Både foreldre, tilsette, elevar, næringsliv og friviljuge vil bli utfordra til å vere med å forme innhaldet i kulturveka. Vi ønskjer at det skal svinge av Vågå denne veka, og til det treng vi dykkar hjelp.

Kva kan til dømes innhaldet i kulturveka vere?
Kunst (biletkunst, foto, samansette tekstar)
- Dans (alt frå folkedans til swing til hip hop til step og internasjonal folkedans)
- Drama (dokketeater, maskeproduksjon, teatersport, teaterleik, teatersminke)
- Musikk (song, band, komponering, lytting, rytme, stomp, afrikanske trommer)
- Litteratur (poesi, prosa, samansette tekstar)
- Kulturminne (Rydd et kulturminne (i samarbeid med Norsk kulturarv, lokalhistorie i Vågå, eventyr og segn, lære om nærområdet vårt)
- Handverk (smiing, husflid, emne innanfor kunst og handverk)
- Natur (fisking, jakt, matlaging, kunst i naturen, lære om tidlegare kultur gjennom å sjå spor i naturen).

Vil du medverke?Er du anten friviljug, pensjonist, privatperson, student, forelder, besteforelder som føler du har noko å medverke med i denne veka? Eller veit du om andre folk som absolutt bør spørjast om å medverke? Eller har du tips til innhaldet i veka?

Ver snill og ta kontakt med prosjektleiar Hanne Blåfjelldal på e-post hanne.blafjelldal@vaga.kommune.no eller telefon 416 83 254

Fysisk aktivitet på dagsorden

2012-01-04T13:36:00.003+01:00

For nesten eitt år sidan slutta Kommunestyret seg samrøystes til rapporten "Vaken og Vågal i Vågå" der målsettinga er å lage Noregs beste skule. Der er det slått klart fast at meir fysisk aktivitet og sunnare kosthald er viktig for å nå målsettingane våre. 30 minutt fysisk aktivitet i skulen kvar dag er målet.

Startskotet for skuleprosjektet gjekk ved skulestart i haust. Vi er i gang med å lage ein lokal læreplan for friluftsliv som eitt tiltak innanfor fysisk aktivitet.

No denne våren startar vi opp arbeidet med å nå målsettinga Kommunestyret sette seg om 30 minutt fysisk aktivitet i skulen - i tillegg til kroppsøvingsfaget. Vi har kalla inn til eit møte 18.januar, der rektorane og mange av dei som jobbar med fysisk aktivitet i kommunen skal setje seg ned for å diskutere korleis vi skal jobbe for å nå denne målsettinga.

I går arrangerte regionkontoret i Nord-Gudbrandsdalen også ein inspirasjonsdag for alle lærarar i regionen om fysisk aktivitet. Dagen var meget vellukka og resulterte i mange inspirerte lærarar. Alle skulane får også moglegheit til å vere med å konkurrerer om å vinne aktivitetsprisen i Norddalen på 70 000 kroner. Det er eit tiltak vi håper har positiv effekt for elevane våre.

Målet om ein meir fysisk aktivitet er ikkje berre eit skuleansvar. Her er det viktig at alle i samfunnet, og ikkje minst foreldra, er med på å jobbe for ein meir fysisk aktiv kvardag for ungane våre.

Fysisk aktivitet er viktig innanfor alle tre satsingsområda i skuleprosjektet vårt; både tidleg innsats, samarbeid med heimen og sansebasert læring.

Har du innspel til korleis vi bør jobbe med fysisk aktivitet, må du gjerne legge att ein kommentar her eller sende ein epost til prosjektleiar.

Høgdepunkt frå 2011 i skuleprosjektet

2011-12-30T10:05:00.009+01:00

Februar
8.februar slutta Kommunstyret seg samrøystes til anbefalingane i rapporten frå forprosjektet. Dei bestemte å setje i gang eit femåring utviklingsarbeid i skule og barnehage der tre hovudområde skulle vere gjennomgåande; forpliktande samarbeid med heimen, tidleg innsats og sansebasert læring.

25.februar sette elevane i storskulen på Lalm og 6. og 7.klasse på Vågåmo skule opp musikalen "Barnas Klimakonferanse" i samarbeid med "Musikk i skulen". Omlag 300 publikummarar fekk med seg musikalen.

April
Vågå kommune lyser ut stilling som musikkpedagog for å styrke arbeidet med sansebasert læring i skule og barnehage.

Mai
18.mai opna Jens Stoltenberg nye Vågåmo skule

Juni
Hans Gutubø frå barnehagen, Lene Bekkemellem frå barneskulen og Steinar Riksåsen frå Vågå ungdomsskule vann kvart sitt kamera for sine bilete av ”Mitt Vågå”. Publikum stemte fram deira bilete som dei beste under fotoutstillinga under Vågå-Dågå. Under Vågå Dågå fekk alle elevane stille ut bilete av ”Mitt Vågå”. Utstillinga var delt inn i tre avdelingar; bilete frå barnehage, bilete frå barneskule og bilete frå ungdomsskulen. Om lag 200 bilete vart stilt ut.

I juni blir også Eli Hårklau tilsett som musikkpedagog i Vågå kommune.

August
Vågå får innvilga ein søknad å setje i gang eit EU-prosjekt i samarbeid med Klimapark 2469 og ein region i Bayern i Tyskland. Målsettinga er å dele og utvikle uteskulemetodikk.

Vågå kommune får tildelt 550 000 nye kroner frå Utdanningsdirektoratet til skuleprosjektet vårt for å utvikle tilbod innanfor foto, musikk og smak. Frå før har vi fått 900 000 kroner.

Musikkpedagog Eli Hårklau startar i jobben, og skal jobbe med musikkstunder i alle dei kommunale barnehagane, utvikle musikkfaget i skulen og jobbe med drama og musikk som metode i alle fag.

September
Tysdag 20.september vart Arne Brimis smaksskule lansert. Det sørgja femåringane i Vågå kommune sine barnehagar for - med song og trollkrem til folket!Dette var starten på eit smaksprosjekt i barnehagane i Vågå som heiter ”Arne Brimis smaksskule”. Dette byggjer på Arne Brimi sin filosofi om at ungar bør smake på mykje forskjelleg i ung alder for å stimulere alle sansane sine.

Oktober
Vågå kommune får besøk av ein tysk delegasjon i samband med EU-prosjektet vi er i gang med.

November
Ein delegasjon på seks personar frå Vågå kommune, Lalm skule, Vågåmo skule og Norsk fjellmuseum var frå 6. til 11.november på besøk til Bayern i samband med EU-prosjektet vi er i gang med.
Her ser du Anders Nordnes gjennomføre øvinga "Kor mange lærarar får plass i ein sjølvbygd kubikkmeter?".

Desember
Undervisningsinspektør ved Vågåmo skule, Hans Olav Øvre blir pensjonist og avsluttar med stil som Rødhette i oppsettinga "Rødhette og Ulven".

9.klasse arrangerte lyrikkveld

Vågåmo-lærarane dramatiserer Rødhette og ulven

2011-12-22T14:55:00.008+01:00

Rektor Torgeir Sæteren som mor til Rødhette

Hans Olav Øvre i rolla som Rødhette.

Torunn Elise Berg som den skumle ulven

Kalle Waaktaar Kahrs som bestemor

Anne-Lene Stormyrengen som jeger

Elevane følgjer spent med når ulven sin mage blir skjært opp.

Ulven klarar ikkje gå med fullt av stein i magen

Skodespelarane blir takka av eit nøgd publikum.

Framført på avslutning på Vågåmo skule 21.desember 2011.

Juleavslutning for Lalm oppvekstsenter

2011-12-20T09:17:00.014+01:00

Sjå bilete frå juleavslutninga ved Lalm oppvekstsenter 19. desember.

Dyktige konferansierar leia oss gjennom programmet.

Tenning av adventsljos

6.klasse las juleevangeliet

3. og 4.klasse gjer seg klar til å framføre sitt sjølvdikta juledrama.

1. og 2.klasse framfører "på låven sitter nissen".

1. og 2.klasse framfører "Romjulsdrøm".

3. og 4.klasse med sitt sjølvdikta spel om julenissen som blir kidnappa.

Framføring av "Bjelleklang" under kyndig leiing av korpsguru Odd Ivar Svelstad.

"Drunken sailor" av 5. og 6.klasse

7.klasse framfører sitt sjølvdikta spel "Jakten på det gule gullet" der vi mellom anna får stifte kjennskap med Brimi og Hellstrøm.

Avslutningsnummeret "Barn av regnbuen" framført av alle elevane.

Julebord med julesmakar i Søre Grindstugu barnehage

2011-12-20T08:55:00.001+01:00

Måndag denne veka hadde ungane i Søre Grindstugu barnehage julebord der dei fekk teste julesmakane. Både rakfisk, røkt fisk, sylte, kjøttkaker og lefse stod på menyen. Og mange andre ting.

Lyrikkveld av 9.klasse på Vågå ungdomsskule

2011-12-19T12:19:00.009+01:00

På torsdag arrangerte 9.klasse på Vågå ungdomsskule lyrikkveld på kulturhuset. Her kan du sjå bilete frå framsyninga.

Desse to gutane framførte rappen "to veidde på ei sjedde".

Frå talenshowet Lyrikk Factor.

Vinnaren i Lyrikk Factor blir kåra.

Dette innslaget på engelsk skapte mykje latter i salen.
Eit dikt om ein loff.

Flotte grisar.

Nok ein rap - denne gongen med skodespel i bakgrunnen.

Dramatisering og framføring av "Romjulsdrøm" av Alf Prøysen.

Elevane passa på å takke dei tilsette som har hatt mykje jobb med framsyninga; Kristin, Eva, Gry og Eli.

Det var ingen tvil om at elevane hadde jobba bra med temaet, og publikum storkoste seg. Det same såg det ut til at elevane gjorde. Tusen takk til elevane for ei flott oppleving i Vågå kulturhus.

Kalvdans på Vågåheimen

2011-12-16T14:34:00.004+01:00

Mjølk og mjølkeprodukt har tidlegare vore eit tema i smaksprosjektet i barnehagane våre. I Søre Grindstugu har dei mellom anna laga Kalvdans, og førre veke var ungane for å servere Kalvdans på Vågåheimen.

Foto: Arve Danielse, Fjuken
Foto: Arve Danielsen, Fjuken.

Kalvdans er ein slags tradisjonell pudding laga av råmjølk.

Sjå bilete av smaksprosjekt i Sjårdalen

2011-12-15T08:56:00.006+01:00

Arne Brimis smaksskule er i full gang i barnehagane våre. Her kan du sjå bilete frå smaksprosjektet i Sjårdalen

Hans Erik smaker her på mat frå India i samband med internasjonal veke i oktober. Her var det lov å eta med fingrane!

Her er det tortillachips med ulike dippar som skal smakast på, i samband med internasjonal veke. Her ser du mellom anna salsa, guacamole og tzatziki.

Aslaug følgjer spent med når Siv Kristin (rektor) blandar vatn og konditorfarger.

Rektor med blått vatn..

Ronja kjenner på om det luktar noko spesielt av vatn farga med konditorfarge.

Foreldreutval for barnehagane er i gang

2011-11-29T12:18:00.003+01:00

I Vågå har vi eit eige kommunalt foreldreutval for foreldre i barnehagane (FUB). Dei har no hatt sitt fyrste møte. Foreldreutval for barnehage skal kome med uttale om sakar som gjeld barnehagar i Vågå, og arbeide for eit godt samarbeid mellom barnehage og heim.

Ta kontakt med utvalet om du har sakar du ønskjer dei skal ta opp

Dette er foreldreutvalet for barnehage i Vågå:

Sjårdalen:
Olivia Sylling Andersbakken
Tlf: 95105908/61238964
Epost: oliviasyl@live.no

Øystein Bakke
Tlf: 90752885
Epost: estinb@gmail.no

Lalm:
Therese Mosebakken (sekretær)
Tlf: 95969949
Epost: theresehjellet@gmail.com

Marianne Skogstad
Tlf: 41223311
Epost: marianne.skogstad@hotmail.com

Tessand:
Eva Haldis Tessnesset (nestleiar)
Tlf: 97609364
Epost: hatessn@online.no

Ingrid Valdvik
Tlf: 95808596
Epost: ingridvald@hotmail.com

Søre Grindstugu:
Hanne Lillebråten (leiar)
Tlf: 48881728
Epost: hanne@fossheimhotel.no

Olav Tøfte
Epost: olav.tofte@vagaskulen.no

Drama som metode i skulen

2011-11-21T12:13:00.004+01:00

Vår nytilsette musikkpedagog Eli Hårklau jobbar med å bruke musikk og drama som metode i alle fag i skulen. Ho har hatt mange oppdrag allereie, og her kan du sjå bilete frå arbeid i 7.klasse på Lalm oppvekstsenter.

Temaet i opplegget her er "dei store oppdagarane" som ho hadde med 7. trinn. I løpet av opplegget vart det laga stillbilder og dramatisert små scener tatt frå livet og reisene til Marco Polo, Vasco da Gama, Kristoffer Colombus og Fernando de Magellan. Dei høyrte også på musikk frå dei historiske periodane desse oppdagarane levde, både europeisk musikk og musikk frå landa dei besøkte. Elevane kikka også på gamle verdskart frå før og etter dei store oppdagingsreisene, og såg på kva endringar reisene førte med seg. Her kan du sjå bilete frå opplegget:

På tur til Bayern

2011-11-13T19:06:00.015+01:00

I samband med EU-prosjektet som Vågå er ein del av, var ein delegasjon med tre lærarar, to frå Fjellmuseet i Lom og ein frå kommuneadministrasjonen, på tur til Bad Tölz i førre veke. Målet var å lære meir om korleis våre tyske vener jobbar med uteskule og korleis skulesystemet deira fungerer.

Over ser de samarbeidstrening på Youth training center med 7.klasse i Königsdorf.

Sirkusframsyning på Königsdorf skule.

Jamen dukka det ikkje opp ei krokodille også.

Elevane hadde laga utstilling med norsk flagg og fakta om Noreg (der det stod mykje om norske fotballspelarar).

Elevane i femteklasse fortel oss kva som er spesielt med Bayern
Frode deler ut brev skrive av elevane på Lalm oppvekstsenter
Nøgde tyske elevar har fått brev frå elevar i Vågå
Nina deler ut kort til 2.klasse i Königsdorf frå 2.klasse ved Vågåmo skule
Elevane er begeistra for å ha fått kort frå Noreg
Nina viser fram bilete av 2.klasse på Vågåmo skule

Elevane i 2.klasse lærer om mjølkeprodukt av ein av bøndene i regionen

...og det gjer også den norske delegasjonen..

Vi får omvisning i Königsdorf. Stolpen vi står framfor er ein svær trestamme som med jamne mellomrom blir sett opp med berre handkraft av alle ungkarane på plassen. Og sjølvsagt blir det fest etterpå når bragden er gjort...

Turen var fantastisk for oss alle som var med, og vi ser fram til eit toårig prosjekt der vi skal samarbeide om å utvikle uteskulepedagogikken vår. Med mål om at det skal kome våre elevar til gode.

Klare for besøk i Bayern!

2011-11-04T13:38:00.002+01:00

Vågå kommune er med i eit EU-prosjekt med målsetting om å utvikle meir praktiske undervisningsmetodar knytt til natur. På sundag reiser seks personar frå Vågå til Bayern.

Destinasjonen er Bad Tölz i delstaten Bayern - ein times togtur unna München. I løpet av denne veka skal delegasjonen frå Vågå bli kjend med samarbeidsskulen, noko som heiter Youth training center og elles få lære om tysk utdanningssystem.

I dette prosjektet er det minst tre aktørar i kvar region som er med. I Vågå er dei tre barneskulane med, kommunen som skuleeigar og Fjellmuseet i Lom/Klimapark 2469. Saman skal vi utvikle nye undervisningsmetodar saman innanfor det vi i Noreg kallar "uteskule". Vi skal også dele det vi allereie gjer som er bra.

I løpet av veka i Bayern skal delegasjonen få vere med på ein lokal festival i tillegg til det faglege. Det faglege programmet er besøk i klassene, besøk på Youth training center, ekskursjon med ein fugleekspert og undervisningsopplegg i samarbeid med "gardskoner" der nede. I tillegg får vi mykje tid til å legge fram våre utprøvde metoder og diskutere korleis vi skal samarbeide framover.

Prosjektet skal vare i to år, og det er lagt opp til fire besøk i Bad Tölz i løpet av denne tida - samtidig som dei kjem hit til Vågå fire gonger.

På bilete ser du den tyske og den norske delegasjonen samla då dei var på besøk her i Vågå i oktober.

Smaksprosjekt og besøk frå kunst- og kultursenteret

2011-11-04T12:40:00.003+01:00

I førre veke hadde vi besøk frå Vidgis frå Nasjonalt senter for kunst og kultur i opplæringa. Nasjonalt senter for kunst og kultur i opplæringa har tidlegare gjeve økonomisk støtte til prosjektet i Vågå.

Vigdis var her for å høyre meir om satsinga vår i Vågå, og fekk mellom anna vere med elevane i 8.klasse då dei tok fotografi i Vågå-kyrkja. Etterpå bar det til Søre Grindstugu barnehage for å få vere med ungane på å lage mat der.

I Vågå er vi godt i gang med eit smaksprosjekt i barnehagane våre der ungane får vere med på å oppleve ein ny smak kvar veke. Denne veka var det internasjonale smakar som stod på planen. Tidlegare i veka hadde ungane fått smake både russisk og iransk mat, men denne gongen var det norsk mat som skulle smakast på.

Ungane kutta sjølv rotgrønsaker og var med i matlaginga.

Før maten var det dans og glede som stod på dagsorden

Dei aller fleste likte laks frå Noreg.

Besøk frå Bad Tölz i Bayern

2011-10-14T11:09:00.009+02:00

Frå 10-14.oktober fekk Vågå kommune besøk frå regionen Bad Tölz i Tyskland. Dei var her på besøk som eit ledd i eit Comenius Regio-prosjekt der målet er å utvikle oss innanfor uteskulepedagogikk.
Elevar i 5. og 6.klasse på Lalm fekk brev skriven av elevar frå Tyskland.
Her ser du rektor Dag Nyøygard gje ei omvisning på Lalm oppvekstsenter.
Lunsj på Bokhandel'n Kafé

Lærar frå skule i Tyskland presenterer sine mål og visjonar frå prosjektet.
Historisk vandring i Vågåmo sentrum med Mette Vårdal
Lærarar frå Vågåmo skule diskuterer kva dei ønskjer å få ut av prosjektet
Omvsining på Fjellmuseet i Lom. Fjellmuseet og Klimapark 2469 er samarbeidspartar i dette prosjektet.
Omvisning på Fjellmuseet.

Klar for besøk frå Tyskland

2011-10-10T13:17:00.001+02:00

I samband med EU-prosjektet som Vågå kommune har fått støtte til, vil Vågå kommune få besøk av ein delegasjon frå vår samarbeidsregion Bad Tölz i Tyskland denne veka.

Vågå og Bad Tölz har vald å kalle prosjektet for ”Come(nius) to nature and school”.

Namnet har vi vald fordi vi har fått støtte gjennom Comenius-programmet og fordi prosjektet handlar om å utvikle meir praktiske undervisningsmetodar knytt til natur og klima.

I Vågå kommune er det Vågå kommune, Sjårdalen oppvekstsenter, Lalm oppvekstsenter, Vågåmo skule og Fjellmuseet/Klimapark 2469 som er ein del av dette prosjektet. I regionen Bad Tölz er det skuleeigaren, Königsdorf skule og Youth training center i Königsdorf som er partane vi skal samarbeide med.

Seks representantar frå Tyskland kjem altså i neste veke til Vågå for å møte våre tilsette, bli kjend med Vågå og Nord-Gudbrandsdalen og planlegge korleis vi saman skal utvikle praktiske undervisningsmetodar i saman med våre samarbeidsaktørar.

Representantane frå Vågå kjem hit måndagsettermiddag. Tysdag skal delegasjonen bli kjend med skulane i kommunen, og dei møter lærarane og representantane frå Fjellmuseet for å bli kjende med kvarandre. På onsdag skal lærarane og partnarane i dei to regionane saman avgjere korleis dei skal jobbe framover for å utvikle desse metodane. Heile torsdagen går med til å vere på Fjellmuseet i Lom der vi skal bli kjende med verksemda og kvarandre gjennom ulike aktivitetar.

Frå Vågå kommune er følgjande lærarar med: Anders Nordnes og Nina Andby frå Vågåmo skule, Olav Tøfte frå Sjårdalen oppvekstsenter og Frode Sandum og Hanne Kari Bakke frå Lalm. Dag Inge Bakke og Mai Bakken representerer Fjellmuseet/Klimapark 2469 og Hanne Blåfjelldal er prosjektleiar og representant frå Vågå kommune.

Bli med på musikkstund i Tessand barnehage!

2011-10-05T13:08:00.004+02:00

Vår nytilsette musikkpedagog er no godt i gang med arbeidet sitt. I tillegg til å jobbe med musikk og drama som metode i skulane, har ho faste musikkstunder i alle dei kommunale barnehagane omlag annankvar veke. Her kan du sjå bilete av ei musikkstund i Tessand barnehage:

Det kommunale foreldreutvalet er i gang!

2011-10-04T16:18:00.005+02:00

Forpliktande samarbeid mellom heim og skule er eitt av tre satsingsområde i skuleprosjektet i Vågå.

Torsdag førre veke arrangerte Vågå kommune eit felles informasjonsmøte for alle FAU-representantane i kommunen. FAU står for "foreldra sitt arbeidsutval", og alle skulane i Vågå har eit eige FAU. FAU består av representar frå dei ulike klassene.

På dette møtet vart det informert litt om diverse utval, om tilsynet som har vore i Vågå kommune knytt til elevane sitt arbeidsmiljø, og om skulesatsinga i Vågå kommune.

Etter møteslutt vart "Det Kommunale foreldreutvalet" (KFU) konstituert. I Det kommunale foreldreutvalet er det to medlemmar frå kvar skule i Vågå. KFU skal ta seg av interessene til foreldra og borna, og spesielt ta opp forhold som er av interesse for alle ungar og foreldre i heile Vågå. Her der du det kommunale foreldreutvalet saman med oppvekstsjef, Jan Egil Fossmo.

KFU ønskjer innspel frå foreldre i Vågå om ting de ønskjer dei skal diskutere og ta opp. Nøl ikkje med å ta kontakt om du har spørsmål eller innspel til det kommunale foreldreutvalet. Terskelen for å ta kontakt med KFU skal vere låg.

Her er kontaktinformasjon:
Sveen, Mona (leiar) 99693818 mona.sveen@vaga.kommune.no
Haugen, Ruth (nestleiar) 90032749
Nyhagen, Siv Monika (sekretær) 90899563 sivmny@online.no
Austrem, Pål 90572577 paustrem@bbnett.no
Skogen, Edith 61239700 ok-skoge@online.no
Vang, Camilla 99550062 camilla.vang@statnett.no
Øihusom, Gjermund 41605749 gjermund@sinclairmurogbygg.no

Arne Brimis smaksskule er lansert!

2011-09-20T15:37:00.010+02:00

Tysdag 20.september samla alle femåringane i Vågå kommune sine barnehagar seg i Vågåmo for å lansere Arne Brimis smaksskule.

Saman lagde femåringane fyrst trollkrem av tyting dei sjølve har plukka.

Så kom Arne Brimi for å godkjenne trollkremen femåringane hadde lagd.

Vi samla oss oppe ved Kommunehuset for å framføre "tyting-songen" som musikkpedagogen vår, Eli, har dikta.

Etterpå delte vi ut trollkrem til alle som hadde møtt opp for å høyre på.

Så delte vi ossi fire grupper. Ei gruppe stod på Coop Mega og delte ut trollkrem.

Ei annan gruppe delte ut trollkrem utanfor ICA.

Til slutt reiste ei gruppe med ungar ned på Vågåheimen der vi framførte song og delte ut trollkrem til folk som er litt eldre enn oss, men som kunne fortelje at også dei plukka tyting då dei var små.

Om smaksprosjektet
I heile år skal ungane i alle dei kommunale barnehagane i Vågå kvar veke smake på ein ny smak. Smaksprosjektet er ein del av skuleprosjektet: ”Vaken og Vågal i Vågå”, og vil vere barnehagane sin store satsing dette året.

Det startar med at ungane skal lære seg grunnsmakane, og vidare skal dei smake på rotgrønsaker, eple, mjølkeprodukt og internasjonale smakar fram til jul. Opplegget er slik at kvar barnehage skal gjennom dei same smakane, og vi prøver å følgje årstidene når vi prøver nye smakar. I desember skal vi til dømes smake på krydder og matvarer som blir nytta til jul, og den veka det er FN-dag, står internasjonale smakar på dagsorden.

Kvar barnehage vil få utdelt ein ressursperm og opplegget er utarbeida i samarbeid med Arne Brimi. Vi har i opplegget bygd vidare på det dei har gjort på Tessand dei siste to åra, og alle tilsette i barnehagane har vore på kurs i smaking. Kvar barnehage har vald kvar sin smaksansvarlege, som vil ha ansvar for gjennomføringa på dei ulike barnehagane. Desse vil også danne ei smaksgruppe som skal justere og evaluere opplegget undervegs. Målet er at dette skal bli eit fast opplegg i barnehagane, og at vi seinare skal utvide det til også å gjelde skulane.

Med 7.klasse på Lalm til Dummdalen og Bøverbreen

2011-09-19T14:18:00.003+02:00

Torsdag og fredag i førre veke var 7.klasse på Lalm oppvekstsenter på overnattingstur til Dummdalen. Målet var grottene i Dummdalen og bretur på Bøverbreen.

Med strålande sol og fantastisk haustvêr, fekk 7.klassane ein nydeleg tur. Til tross for frost om natta, så overlevde alle ei natt i telt. Turen til Bøverbreen på fredag vart ei nydeleg oppleving.

Uteskule er eit satsingsområde for skulane i Vågå, og barneskulane er mellom anna blitt med i eit EU-prosjekt der målsettingen er å utvikle og dele praktiske undervisningsmetoder knytt til natur, miljø og klima. Prosjektet er i samarbeid med Klimapark 2469, og Vågå skal dei neste to åra samarbeide med ein region i Tyskland.

Fleire bilete av turen kan du sjå her:

Arne Brimis smaksskule lanserast i Vågå 20.september

2011-09-13T16:03:00.005+02:00

Tysdag 20.september inviterer Vågå kommune, i samarbeid med Arne Brimi, til kick off for ”Arne Brimis smaksskule. Frå og med om lag klokka 13 vil du kunne få servert ”trollkrem” i Vågåmo sentrum.

Denne tysdagen vil alle femåringane i Vågå kommune sine barnehagar samlast i Vågåmo for saman å lage trollkrem av ”tyting” dei har plukka no i haust. Under kan du sjå bilete frå tyting-turane i barnehagane våre.

Arne Brimi blir med for å lage trollkrem og inspirere ungane, og etterpå skal femåringane dele ut trollkrem til innbyggjarane i Vågåmo.

Femåringane vil samlast på kjøkenet på Vågåmo skule frå og med klokka 11 for å lage trollkrem saman. Klokka 12 kjem Arne Brimi til Vågåmo skule for å møte ungane og smake på trollkremen i lag med dei.

Femåringane vil dele ut trollkrem utanfor kommunehuset og inne i Coop-bygget frå om lag klokka 13.

Nye kulturmidlar til Vågå!

2011-08-24T21:42:00.001+02:00

Vågå kommune har fått tildelt 550 000 nye kroner frå Utdanningsdirektoratet til skuleprosjektet vårt for å utvikle tilbod innanfor foto, musikk og smak.

I førre runde søkte vi og fekk tildelt 900 000 kroner til å utvikle breiare kulturtilbod for alle ungar innanfor musikk, foto og smak/mat. Denne veka fekk vi nye 550 000 kroner til å utvide og vidareføre satsinga vår.

Det er innanfor denne potten Vågå kommune har tilsett musikkpedagog og vi skal dette skuleåret i gang med smaksprosjekt i barnehagane og fotoprosjekt i ungdomsskulen. For desse pengane skal vi også i veke 24 neste år arrangere ei kulturveke der vi skal involvere alle ungar og elevar og heile lokalsamfunnet.

Midlane kjem frå potten på 40 millionar kroner som Utdanningsdirektoratet har til utvikling av kulturskuletilbod og kulturtilbod. Det kom inn 352 søknader, og av desse har 210 fått løyvd støtte. Vågå kommune er altså av dei heldige som har fått pengar.

Fyrste skuledag

2011-08-22T19:20:00.003+02:00

I dag var det fyrste skuledag for skuleåret 2011/2012 i Vågå kommune. På Lalm, i Sjårdalen og på Vågåmo skule var det ein gjeng spente fyrsteklassingar som hadde sin fyrste skuledag nokonsinne.

På Vågåmo skule kunne rektor Torgeir Sæteren og dei to kontaktlærarane for 1.klasse, Anne Sjetne og Anne Lene Stormyrengen, ønskje 22 spente elevar velkomne. Også for kontaktlærarane var det fyrste skuledag på Vågåmo skule, sidan dei begge to tidlegare har vore tilsette ved Tessand oppvekstsenter (der skulen no er lagt ned).

Det var ein gjeng med glade, stolte og nysgjerrige elevar (og foreldre!) med glød i augo som møtte opp utanfor Vågåmo skule i dag tidleg klokka åtte. Dei "store elevane" gjekk klasse for klasse inn saman med lærarane sine, og tilslutt var det berre debutantane att. Dei vart ropt opp ein og ein for å helse på rektor.

Så var det tid for klassebilete for fotografen frå Norddalen som hadde dukka opp.

Etter fotografering fekk alle kome inn i klasserommet sitt. Der fann dei fort plassane sine, og fekk utdelt både meldemappe og lilla-bok til å skrive i. Så var det tid for lesing og litt song, der også foreldra måtte vere med på "Hode, skulder, kne og tå".

Etter kvart vart elevane henta av sine fadrar i 7.klasse, slik at lærarane kunne få prate med foreldra om "vaksenting".

Dagen vart avslutta med å ete matpakka si, før elevane kunne gå heim med både beskjedar til foreldre og lekse i sekken.

Vågå kommune ønskjer alle 1.klassingar ved både Lalm, Sjårdalen og Vågåmo til lykke med skulegangen.

Musikkpedagogen vår er på plass

2011-08-16T12:11:00.002+02:00

Eli Hårklau, som skal jobbe med å styke det musiske i skule og barnehage i Vågå, begynte i jobben sin 15.august. No skal ho bruke dei neste dagane til å bli kjend med skulane og barnehagane våre. Og snart kan du forhåpentligvis høyre musikken, songen og gleden strøyme ut av alle våre barnehagar og skular.

Eli er tilsett i ei prosjektstilling på eitt år, som eit resultat av at Vågå fekk løyd midlar frå Utdanningsdirektoratet til ei satsing på kultur i skule og barnehagane.

Ho er no i gang med å planlegge musikkstundar i barnehagane, korleis dra inn musikk som metode i andre fag og type prosjekt som kan setjast i gang i skular og barnehagar. Dei neste dagane vil ho møte alle tilsette i skule og barnehage, som vil gje ho ytterlegare innspel på kva dei ønskjer ho skal fylle stillinga med.

Har du innspel til Eli, kan du nå ho på e-postadresse eli.harklau@vaga.kommune.no. Ho har kontor på Kommunehuset, men kjem til å bruke mykje av tida si ute i skule og barnehagar.

Eli Hårklau skal gjere Vågå musisk

2011-06-28T12:11:00.003+02:00

Eli Hårklau (31) frå Voss har takka ja til stillinga som musikkpedagog i Vågå kommune. Den nyoppretta prosjektstillinga er ein del av skule- og samfunnsutviklingsprosjektet i Vågå, og Eli blir slik ein viktig person når Vågå for fullt sett i gang med å vidareutvikle det musiske Vågå.
Eli startar i jobben i Vågå i august. Foto: privat

Kommunestyret i Vågå har samrøystes vedteken satsinga ”Vaken og Vågal i Vågå” der mellom anna sansebasert læring er eitt av dei viktigaste satsingsområda. For å styrke denne satsinga, lyste Vågå kommune tidlegare i år ut ei stilling som musikkpedagog.

Eli Hårklau har no takka ja til stillinga. Grunngjevinga for at ho takka ja, gjev Eli her:

- Eg valde jobben i Vågå fordi den virka så spennande. Eg syns musikkpedagogikk er interessant, og i denne jobben kan eg fordjupe meg i dette, og få høve til å jobbe fagleg på tvers av skuleslag. Eg ser for meg at det blir ein kjekk kombinasjon mellom sjølvstendig jobbing og samarbeid med lærarar, barnehagepersonale og andre tilsette i kommunen, noko som passar meg bra! Eg har møtt kjekke folk som eg skal få jobbe saman med. Og så er det jo vakkert i Vågå, då, seier Eli.

Eli kjem frå jobben som teaterlærar ved Sunnhordland folkehøgskule. Ho har ein mastergrad i musikkvitskap frå NTNU, og har også solid utdanning i drama. Eli har tidlegare vore både dirigent, songlærar, kursleiar for dramagrupper og kurslærar i babysong. Alt i alt har Eli ei kompetanse som er etterlengta i skule og barnehage i Vågå. Og ho har planane klare for kva ho vil gjere når ho startar i jobben til hausten:

- For det fyrste vil eg vera open for ønskje og behov som ungane sjølv, samt dei tilsette i skulane, barnehagen og kulturskulen måtte ha. Eg håpar at musikk og drama kan bli eit naturleg utgangspunkt for å lære om andre fag i skulen. Eg forventar ikkje at alle lærarar skal nytte musiske undervisningsmetodar heile tida, men om eg får lov til å komme inn i ein time og undervise i det dei held på med, på ein litt annan måte enn vanleg, hadde det vore veldig spennande! Dersom det er interesse for det i lærarstaben, kan eg gjerne lære bort enkle metodiske verkemidlar henta frå dramafaget - aktiviserande undervisningsmetodar som kan tilpassast ulike fag.

I Vågå kommune er det ønskje om større fagleg samarbeid mellom dei tilsette, og også her har Eli planane klare:

- Eg har lyst til å høyre med musikklærarane i skulane kva dei treng av eventuelle bidrag frå meg. Vi kan lage eit musikkfagleg team i kommunen som utvekslar gode idear og undervisingsopplegg. Det er nok ikkje eg som sit med alle svara her, men eg håpar at samarbeid og samtale i seg sjølv kan avle mykje, seier Eli.

Eli har også dramabakgrunn. Foto: Privat

Tidleg innsats er også eitt av satsingsområda i skuleprosjektet i Vågå, og musikkpedagogen skal jobbe aktivt opp mot barnehagane. Det gler Eli seg til:

- Sjølv tenkjer eg at det hadde vore kjekt om eg fekk lov til å ha ei lita musikkstund saman med ungane i barnehagane kvar veke. Dersom det er vilje til det ute i skulane, hadde det vore kjekt å få til eit samarbeidsprosjekt - ei framsyning eller liknande - mellom dei ulike skulane, kulturskulen og barnehagane.

Eli brenn for det musiske i skule og barnehage, og har fått med seg at professor og forfattar Jon Roar Bjørkvold har laga ein eigen musisk Vågå-modell som dannar utgangspunkt for satsingane her i Vågå. Når det gjeld kor viktig det musiske er, har Eli følgjande å seie:

- Musikk er eit heilt universelt uttrykk, samstundes som det kan vera svært personleg. Menneske i alle aldrar og frå alle kulturar har eit forhold til musikk. Eg trur musikk kan lære oss mykje om oss sjølve, om kvarandre, om kultur, språk, litteratur og historie, ja kanskje til og med om matematikk. Eg håpar vi kan oppdage og bruke denne styrken i faget, både i den reine musikkundervisinga, i samarbeidsprosjekt, og som metodisk hjelpemiddel i andre fag.

Når det gjeld satsinga i Vågå og fokuset på kunst- og kulturfag, er Eli full av lovord:

- Det er så forfriskande med ein kommune som verkeleg tør å satse på skuleutvikling! Dette er ein av grunnane til at eg søkte på jobben. Mange andre kommunar ser gjerne berre utgifter og "heft" med eit slikt arbeid, men Vågå har skjønt at dette er viktig om samfunnet ikkje skal stagnere. Eg gler meg til å bidra som best eg kan i denne utviklinga, avsluttar Eli som startar opp i jobben i midten av august.
___________________________________________________________________

Vinnarar av fotokonkurransen ”Mitt Vågå”

2011-06-20T16:15:00.010+02:00

Hans Gutubø frå barnehagen, Lene Bekkemellem frå barneskulen og Steinar Riksåsen frå Vågå ungdomsskule vann kvart sitt kamera for sine bilete av ”Mitt Vågå”. Publikum stemte fram deira bilete som dei beste under fotoutstillinga under Vågå-Dågå.
Tre stolte vinnarar med sine vinnarbilete. Frå venstre Lene Bekkemellem, Hans Gutubø og Steinar Riksåsen. Foto: Hans Olav Øvre

Mange stemte
Under Vågå Dågå fekk alle elevane stille ut bilete av ”Mitt Vågå”. Utstillinga var delt inn i tre avdelingar; bilete frå barnehage, bilete frå barneskule og bilete frå ungdomsskulen. Om lag tu hundre bilete vart stilt ut.

Om lag 330 publikummarar stemte på bilete i dei tre ulike kategoriane. Og etter at stemmene var telt opp vart det klart at Hans Gutubø frå Søre Grindstugu barnehage, Lene Bekkemellem frå Vågåmo skule og Steinar Riksåsen frå Vågå ungdomsskule hadde dei mest populære bileta i utstillinga.

Nokre av kommentarane eit veldig nøgd publikum kom med i løpet av helga var: ”Her var det vanskelege å velje beste bilete. Det er så mange fine!”, ”Så mange flinke ungar vi har i Vågå” og ”Dette var løyle. Og så bra at ungar i alle aldrar får stille ut bilete”.

Mange møtte opp for å få med seg fotoutstillinga ”Mitt Vågå”. Foto: Hanne Blåfjelldal.

”Ein mann oppi lufta”
Dei tre vinnarane fekk overrekt premien på sine sommaravslutningar; eit digitalkamera til odel og eige. Dei er alle tre ”avgangselevar” og skal starte på nye skular til hausten.

Hans er ferdig i barnehagen i sommar, og skal starte i skulen til hausten. Lene skal starte i ungdomsskulen, og Steinar skal starte på skigymnas i Meråker. – Eg håper det blir mykje foto på ungdomsskulen, seier Lene.

Hans Gutubø er nøgd med sitt nye kamera, og viser stolt fram alle dei bileta han har take i løpet av den snaue veka han har eigd kameraet sitt:

- Her ser du ei geit, men på neste bilete har eg fått med litt meir av geita. Her har eg take bilete av ein mann oppi lufta. Han køyrer ein slik hangglider. Og her ser du ein film eg tok hjå bestefar, og det er ein veldig morosam film fordi Rusken (hunden) er med.

Rektor ved Vågåmo skule, Torgeir Sæteren, kommenterer i bakgrunnen at Hans allereie kan kallast ein avansert brukar av digitale verktøy. Og det er noko Vågå kommune håper at alle elevane våre skal bli på sikt.

Naturbilete som vinnarar
Alle dei tre har take bilete av natur. Steinar fortel om korleis han fann sitt motiv:

- Bilete er take ein morgon frå Sveaholen, der eg bur. Eg veit at Vågå ofte ser flott ut på denne tida av døgnet, og ein morgon fekk eg dette blinkskotet. Bilete har eg take med mobilkamera.
Foto: Steinar Riksåsen

Lene har take sitt bilete i ”Øygardom”.
- Eg tok mange bilete, men valde dette til utstillinga fordi eg tykkjer det er ein flott kombinasjon av det gamle og det nye. Det gamle er symbolisert ved gjerdet og det nye er heggen, seier Lene, som understrekar at ho tykkjer det var mange fine bilete i utstillinga, og at ho vart litt overraska over at ho vann.
Foto: Lene Bekkemellem

Hans har også take bilete sitt heime. Bilete viser ein fugl i eit tre.

- Eg berre tok bilete eg, seier Hans.
Foto: Hans Gutubø

Meir av dette i Vågå
Foto og visuell kunst blir eit satsingsområde i Vågå dei neste åra. Det har Kommunestyret vedteke og det er ein viktig del av skuleprosjektet i Vågå. Med støtte frå Lom og Skjåk sparebank og Nasjonalt senter for kunst og kultur i opplæringa har mellom anna Vågå kjøpt inn eit klassesett med kamera til bruk i skule og barnehage. Frå og med neste skuleår tenkjer Vågå kommune å satse enno meir på å bruke foto i alle fag, og reknar med at det blir ein årleg tradisjon med fotoutstilling. For dette falt i smak for publikum!

Gode råd til fotografar
Alle dei tre vinnarane av fotokonkurransen er glade i å ta bilete, og meiner det er viktig at ein kan ha meir foto til dømes i kunst og handverk. I tillegg meiner dei det er bra at ein kan dokumentere fine minne frå skule og barnehage gjennom å bruke kamera. Deira råd til folk som ønskjer å ta gode bilete er:

- Ta med kamera dit du skal. Ein kan ta tøffe bilete over alt, og er du heldig får du eit skikkeleg blinkskot. Det treng ikkje berre vere natur slik vi har take men nær sagt alt, avsluttar dei tre vinnarane av fotokonkurransen.

Fotoutstillinga "Mitt Vågå" vart ein stor suksess

2011-06-14T18:32:00.004+02:00

Omlag 330 personar stemte på beste bilete under fotoutstillinga vår "Mitt Vågå" under Vågå-Dågå no i helga. Utstillinga fekk også mykje gode attendemeldingar frå publikum. Nokre av attendemeldingane var:

"Så flinke ungar vi har her i Vågå"

"Så mange fine bilete!"

"Så bra at alle aldersgrupper er representert"

Dei fleste attendemeldingane gjekk likevel på at det var veldig vanskeleg å stemme på DET beste bilete av så mange fine bilete. Alle som kom på utstillinga vart oppfordra til å stemme på beste bilete både for barnehage, barneskule og ungdomsskule. Under kan du sjå bilete frå utstillinga.

Stemmene er no talt opp, og vinnarar i kvar klasse vil få premien sin på sommaravsluttingane på skulane og i barnehagane. Premien? Sjølvsagt eit digitalt kamera for å oppfordre til å ta enno fleire bilete!!

Vil du stille opp som friviljug til fotoutstillinga "Mitt Vågå"?

2011-06-01T13:41:00.001+02:00

Til elevutstillinga "Mitt Vågå" 11-13.juni treng vi friviljuge som kan selje billetter, gje ut informasjon om utstillinga og passe på at alt går i orden.

Vi treng folk som kan stille opp laurdag og sundag mellom 12 og 17, og måndag mellom 12 og 15.

Anten du er ung eller gammal, forelder eller barnlaus, fotointeressert eller ikkje, så vil vi at du stiller opp. Har du lyst til å stille opp til nytte for Vågåsamfunnet, og verkeleg få studert elevbileta på nært hald? Vil du treffe mange folk som kjem innom? Då treng vi din hjelp!!

Ønskjer du å stille opp for oss, legg att ei melding her på bloggen eller ta kontakt med prosjektleiar Hanne Blåfjelldal på telefon 41683254 eller e-post hanne.blafjelldal@vaga.kommune.no

Småbruk 2011

2011-05-31T18:03:00.011+02:00

I førre veke vart det arrangert konkurransa "Småbruk 2011" med deltakarar frå 5. og 6.steg på Lalm oppvekstsenter. Det var Jo Ivar og Tove Kleiven som stilte opp som programledarar, dommarar og mentorar på småbruket sitt.

Fyrst fekk elevane ei omvisning på garden der dei fekk fortalt mykje om gardsdrift og dyrehald. Det var viktig å følgje godt med, sidan kunnskapen her var viktig å ha med seg i kunnskapskonkurransa seinare. Elevane skulle også undervegs ta bilete av dyr på garden, gardsglede, gardsarbeid og reiskap på garden. (Fotograf: Iselin Dahlen, 5.klasse)

Seinare vart det klart for konkurranse. Elevane vart delte inn i fire grupper, og konkurrerte i greinene mjølkespannhalding, slegge, saging, tautrekking og hesteskokasting. Det heile vart avgjort i ei kunnskapskonkurranse der det til slutt vart kåra eit vinnarlag etter ei spanande konkurranse. (Fotograf: Anders Engebretsen, 5.klasse)
(Fotograf: Ida Bjørkheim, 6.klasse)

(Fotograf: Frank Kvålshagen, 6.klasse)

Så vart det superfinale mellom dei fire på vinnarlaget. Det endte med at Iselin Dahlen gjekk seirande ut av konkurransa. Ho fekk sjølvsagt ei stor plate mjølkesjokolade i premie. (Stolt vinnar av "Småbruk 2011)

Elevar og tilsette hadde ein fantastisk dag. Tusen takk til fantastiske føresette som stiller opp med slike fantastiske opplegg!

Flytur i Sjårdalen med Stade og Toefte Airways

2011-05-30T12:08:00.005+02:00

I førre veke var Sjårdalen oppvekstsenter på flytur. Dei reiste nesten jorda rundt i Stade og Toefte Airways. Elevane reiste fyrst til Svalbard, der dei fekk vera med på scootertur og gruvetur. Deretter tok dei turen sørover til Svartehavskysten. Der fekk dei gå i gamlebyen Nessebar.

Etterpå gjekk turen til Roma i Italia. Der måtte elevane sjølvsagt besøke Colosseum og Peterskyrkja.

Den lengste reisa var likevel over Atlanterhavet til USA. For fyrste gong i elevane sine liv fekk dei vera med i ein traktor med trippelhjul. Dei fekk
også oppleva indianarar, og sjå korleis kulturen deira var.
På heimreisa serverte kabinpersonalet forfriskningar, og kapteinen fekk passasjerane trygt ned på jorda att i Noreg.

Statsminister Jens Stoltenberg besøkte Vågå

2011-05-18T14:58:00.006+02:00

Jens Stoltenberg var onsdag 18.mai i Vågå for å opne Vågåmo skule og få høyre meir om skule- og samfunnsutviklingsarbeidet i Vågå. Han fekk mellom anna oppleve song, dans og fekk demonstrert nye digitale verktøy i 3.klasse.
Her signerer Jens Stoltenberg ei glassplate til Vågåmo skule

Jens Stoltenberg er full av lovord om Vågå kommune og ordførar Rune Øygard. Han fortel at det alltid er nye prosjekt i Vågå og alltid noko som skjer. Han understreker spesielt at han tykkjer det er bra at ein i Vågå ser moglegheitane i staden for å klage på alle problema.

Elevrådsleiar ønskjer velkomen med ei flott tale.

Underhaldning frå elevane.

Underskriving av intensjonsavtale om IKT mellom Microsoft, Intel, Atea og Vågå kommune skjedde før statsministaren kom.

Spanande jobb som musikkpedagog i Vågå

2011-05-09T12:37:00.001+02:00

Vågå kommune har ei målsetting om å få Noregs beste skule og barnehage gjennom å ta utgangspunkt i eit heilskapleg menneskesyn med sansebasert læring. Tidleg innsats og forpliktande samarbeid med heimen er også satsingsområde i utviklingsarbeidet som skal strekke seg over fem år.

Skildring Vågå kommune søkjer no etter ein som kan medverke til å styrke arbeidet i musikkfaget i skulane og barnehagane våre og som ser moglegheitene til å bruke musikk for å nå kompetansemål i andre fag.

Vi ønskjer å tilsetje, i fyrste omgang for eitt år, ein musikkpedagog. Arbeidsoppgåvene vil mellom anna vere å leie ulike samarbeidsprosjekt mellom kulturskule, barnehage og grunnskule innanfor musikk. Personen skal vere ein samlande ressurs for å inspirere, motivere og rettleie musikklærarane i kommunen. I tillegg ser vi for oss at han/ho skal ha ansvar for undervisning, prosjekt og nye undervisningsopplegg i barnehagane og i grunnskulen.

Noko av årsverket vil truleg også kunne leggast ut som eit nytt tilbod i kulturskulen, avhengig av kva for kompetanse den vi tilsett har.

Vi ønskjer ein person som har følgjande kvalifikasjonar:
• Pedagog med musikkutdanning
• God på formidling av musikk og til å få ungane til å skape musikk sjølve
• God i møte med både unge og vaksne
• Sjølvstendig og samarbeidsorientert
• Erfaring innan dans og drama er ein styrke
• Må ha førarkort og eigen bil

Stillingsannonse og elektronisk søknadsskjema finn du ved å trykke på denne linken.

Statsminister Jens Stoltenberg kjem til Vågå!

2011-05-03T14:17:00.000+02:00

Måndag 9.mai kjem statsminister Jens Stoltenberg til Vågå for å opne nye Vågåmo skule og for å bli orientert om Vågå kommune sin satsing på skule- og samfunnsutvikling.

Statsministaren vil kome til Vågå rett før klokka 13, og vil møte både ordførar, rektor og elevar ved Vågåmo skule. Der vil han få høyre meir om Vågå kommune sin satsing på skule og bli orientert om den nye satsinga på digitale verktøy Vågå er i gang med. Tilsette og elevar ved 3.trinn vil då demonstrere nytt utstyr. Seinare vil han mellom anna møte ordførarar i regionen, Arne Brimi og friviljugsentralen.

Vi ønskjer statsminister Jens Stoltenberg hjarteleg velkomen til Vågå!

Har du utstillingskompetanse?

2011-04-10T10:29:00.001+02:00

I samband med eit fotoprosjekt vi har gåande i skule og barnehage, skal vi i samband med Vågå-Dågå lage ei fotoustilling av arbeida til elevane og ungane.

Vi veit ikkje kor utstillinga skal vere eller form på utstillinga, men vi veit at vi treng kreative menneske med utstillingkompetanse til å hjelpe oss. Før vi går utanfor kommunen, vil vi difor undersøke om det er noko i kommunen med slik kompetanse.

Har du utstillingskompetanse eller kjenner du nokon som har det? Send eit innspel til prosjektleiar hanne.blafjelldal@vaga.kommune.no eller legg att innspel på bloggen her.

Tidleg innsats på dagsorden

2011-04-06T08:42:00.002+02:00

Tidleg innsats, samarbeid mellom skule/barnehage og heim og heilskapleg menneskesyn med sansebasert læring er dei tre satsingsområda i utviklingsarbeidet vårt her i Vågå.

Vi er allereie så smått i gang med tiltak når det gjeld sansebasert læring (fotoprosjekt og gjennomføring av "Barnas klimakonferanse"), men på dei to andre områda gjenstår det mykje arbeid. Vi er no i gang med å gå gjennom innsatsen på desse to områda for å finne ut kva som fungerer bra i dag og kva vi må gjere betre.

Når det gjeld tidleg innsats, så har vi allereie hatt eit idémyldringsmøte med rektorar og styrarar i barnehage og skule og alle andre aktørar som er sentrale innanfor det vi kallar tidleg innsats. I dag skal vi ha møte nummer 2 i ei gruppe som skal sjå på tenesteinnsatsen i førskulealder. Her skal mellom anna foreldrerepresentantar, barnahagane, helsesysterteneste, PPT, barnevernteneste sjå på korleis tenesteapparatet fungerar for ungar i førskulealder i dag. Sentrale spørsmål vil vere: Kva fungerer bra i dag og kva fungerer ikkje? Korleis kan vi samordne oss betre og samarbeide betre? Korleis skal vi sette alle behova ungane har i sentrum, og korleis skal vi gripe inn for å løyre utfordringar og behov på eit så tidleg tidspunkt som mogleg?

Har du innspel eller utfordringar til oss! Legg dei att på bloggen her!!

Flott natur klar til å brukast

2011-03-21T13:13:00.004+01:00

Ei av målsettingane med prosjektet i Vågå er at barnehage og skule skal bli flinkare til å ta i bruk dei flotte naturomgjevnadene våre. Vi er heldige i Vågå som har mektig natur rett utanfor dørene våre. Vi ønskjer å bli flinkare til å utvikle metoder for å ta i brukt natur og miljø i arbeidet i skulen. Slik kan vi utvikle arenaer for læring der vi i større grad bruker det som er unikt i Vågå.
Mykje bra skjer allereie i skule og barnehage i dag. Her ser du ungar i SFO ved Vågåmo skule og Søre-Grindstugu barnehage bruke området nede ved Vågåvatnet, Vanglandet. Der er det gapahuk, og dei tilsette er flinke til å bruke dette området til å lære ungane om friuftsliv og berre ha det koseleg ute i naturen.

Å bruke naturen til undervisning, og å få til kvalitetssikra system på uteskule og klima- og miljøspørsmål inn i skulen, er noko vi ønskjer å jobbe med framover. Har du gode idear til korleis vi skal gjere dette, eller du ønskjer å medverke, så må du gjerne ta kontakt med oss.

Musikal som rocka Vågå!

2011-03-02T13:10:00.007+01:00

Fredag 25.februar sette Vågå kommune opp musikalen ”Barnas klimakonferanse”. 300 publikummarar fekk sjå 90 elevar frå 5-7.klasse på scena. Og elevane overbeviste!
Elevar som demonstrantar på Klimakonferansen. Foto: Ketil Sandviken, GD

Musikalen besto av to delar. I fyrste del var handlinga er lagt til Grønnengen skule. På Grønnengen skule har elevane fått moglegheit til å konkurrere om å bli plukka ut til å reise på ”Barnas klimakonferanse”. Elevane lager appellar, og vi blir spesielt kjende med Gobi og Katla og familiane deira.
Elevane framfører sine appellar på Grønnengen skule. Foto: Ketil Sandviken, GD.

I del to reiser dei to elevane som er blitt plukka ut frå Grønnengen skule til klimakonferansen. Her møter dei både journalistar, kapitalmakt og dei ulike energiressursane. Her deltok alle elevane som ulike energiressursar, og alle energiressursane hadde eigen song og eigen dans. Det enda opp i ei stor kampscene, men alle skjønte til slutt at dei måtte gå saman for å redde verda.
Representantar frå USA på opningsseremonien. Foto: Ketil Sandviken, GD
Elevar framstiller solenergi som song på Klimakonferansen. Foto: Tom Erik Solstad, Fjuken
Reporter i samtale med den lett forvirra Professor Tran. Foto: Tom Etikk Solstad, Fjuken

Vågå kommune er stolt av å ha bli plukka ut som pilotkommune av ”Musikk i skulen”. Vi vil spesielt takke A/S Eidefoss og Regionrådet i Nord-Gudbrandsdalen som har sponsa oss og som gjer det mogleg å sette opp musikalen.

Elevar i full gang med øvingar til "Barnas klimakonferanse"

2011-02-23T15:41:00.005+01:00

I tre dagar har no elevane i 5-7.klasse ved Lalm oppvekstsenter og 6. og 7.klasse ved Vågåmo skule øvd og øvd og øvd til musikalen "Barnas klimakonferanse". Her kan du sjå bilete frå nokre av dansane vi har øvd på.

Øving på sol-energi sin dans

Elevrepresentantar på klimakonferansen som prøver å få fram bodskapet

Øving på afrikansk dans
Øving på line dance

Øving på magedans

Møt opp på fredag klokka 18 for å få med deg dette! Det blir kjempemoro!

Billettar til "Barnas klimakonferanse" i sal no!

2011-02-14T19:11:00.002+01:00

Billettar til musikalen "Barnas klimakonferanse" er no å få kjøpt. Musikalen er i samarbeid med Musikk i skolen, og i rollene finn du elevar frå 6. og 7.klasse i heile Vågå.

Framsyninga er i Vågå-hallen fredag 25.februar klokka 18. Billettane koster 100 kroner for vaksen og 50 kroner for barn. Du får kjøpt billettar i servicetorget i Vågå kommune.

Møt opp for å gje din støtte til elevane her i Vågå, og for å få ei musikaloppleving utanom det vanlige! Vi lover du ikkje blir skuffa!

Kommunestyret vedtok vidareføring av skuleprosjektet

2011-02-09T10:25:00.000+01:00

Kommunestyret behandla 8.februar rapporten frå forprosjektet i skule- og samfunnsutviklingsprosjektet i Vågå, og slutta seg samrøystes til rapporten. "Det er i kveld vi sett i gang arbeidet med å lage Noregs beste skule, og eg håper lærarane ser at dei har ein skuleeigar som bryr seg", sa ordførar Rune Øygard under behandlinga av saken.

Kommunestyret går inn for at satsinga i barnehage og skule skal utvikle heilskaplege menneske og der følgjande tre område skal vere gjennomgåande i satsinga i skule og barnehage:

o Heilskapleg menneskesyn med sansebasert læring
o Forpliktande samarbeid mellom heimen og skule/barnehage
o Tidleg innsats

Det vart ein lang og god debatt i Kommunestyret, og også eit grundig gruppearbeid der representantane fekk diskutert ulike høve med skule og barnehage og prosjektet. I debatten la fleire av representantane vekt på at trivsel, tryggleik, sjølvtillit og nysgjerrigheit er stikkord som skule og barnehage bør fokusere på.

Mette Vårdal frå Arbeiderpartiet meinte at forprosjektet allereie har gjeve eit løft for skulen, sidan fleire og fleire i kommunen no diskuterer skule og barnehage, og er opptekne av kva som skjer. Ho meinte det var viktig å ha eit langtidsperspektiv, og at vi må fokusere spesielt på å styrke skuleleiarnivået i tida framover.

Arnt Odnes frå Senterpartiet la vekt på at ein må bruke andre indikatorar enn Nasjonale prøver når ein skal skildre statusen i skulen og at det er mange variablar som forklarar kvaliteten i skulen. Tilstanden i skulen i Vågå er god, og ikkje så dårleg som rapporten framstiller det, meinte han, som elles understreka at det var mannge gode visjonar, idear og tiltak i rapporten.

Jehans Storvik (AP) understreka at mange av tiltaka ikkje treng koste pengar, og at vi kan både styrke tidleg innsats, samarbeid med heimen og det heilskaplege mennesket utan at det treng å koste noko. Tidleg innsats er viktig fordi det er i dei fyrste åra vi er mest mottakelege for læring, meinte han. Og vidare oppfordra han foreldre til å spørje ungane sine etter skuledagen er slutt: "Har du stilt eit godt spørsmål i dag?". Nysgjerrighet og det å skape elevar som tener sjølv, er viktig når vi skal utvikle det heilskaplege mennesket, og då treng vi å bruke heile Vågå-samfunnet, understreka Storvik.

Ordførar Rune Øygard la vekt på at dette prosjektet forpliktar til at kommunen må prioritere skule, og at å setje seg målsetting om å lage "Noregs beste skule" er dristig sett med Norddalsaugo. Han understreka at noko av det aller viktigaste er å byggje opp arenaer der alle ungar kan oppleve meistring. Han avslutta med å seie: "Det er i kveld vi sett i gang arbeidet med å lage Noregs beste skule, og eg håper lærarane ser at dei har ein skuleeigar som bryr seg".

Rådmannen oppsummerte debatten ved å seie at dette var ein av dei beste politiske debattane i Kommunestyret.

Det er no vi skal i gang med arbeidet med å lage Noregs beste skule, og håpet er at heile Vågå-samfunnet skal vere med i denne prosessen!

Kjøp billettar no!

2011-02-04T12:46:00.002+01:00

Billettar til musikalen "Barnas klimakonferanse" er no å få kjøpt.

Framsyninga er i Vågå-hallen fredag 25.februar klokka 18. Billettane koster 100 kroner for vaksen og 50 kroner for barn. Du får kjøpt billettar i servicetorget i Vågå kommune.

Møt opp for å gje din støtte til elevane her i Vågå, og for å få ei musikaloppleving utanom det vanlige!

Sett av 25.februar!

2011-01-30T21:25:00.003+01:00

Fredag 25.februar klokka 18 sett Vågå kommune opp musikalen "Barnas klimakonferanse". 5-7.trinn på Lalm oppvekstsenter og 6. og 7.trinn ved Vågåmo skule er i full gang med førebuingane. Dei skal 25.februar framstille klimaspørsmål via drama, musikk og dans. Og heile veke 8 skal brukast til øving i samarbeid med manusforfattar og profesjonell dansar.

Dette blir kjempemoro. Og meir informasjon og bilete frå øvingane kjem etter kvart.

Men altså; 25.februar klokka 18 i Vågå-hallen. Billettar kjem snart for salg!!

Kurs i kreativ song i alle fag

2011-01-14T12:48:00.001+01:00

Kurs i Vågå: Kreativ sang i alle fag

Musikk i Skolen inviterer grunnskolelærere, kulturskolelærere og andre interesserte til kurs for å bli tryggere på det å synge selv og på å lede sangaktiviteter.

Vågåmo skule 26.01.11 kl.09.30 - 15.30. Påmeldingsfrist 17.01.11

Sang: Hvordan lede sang på en god og fengende måte? Vi starter med en god sangøkt med tilhørende aktiviteter.

Fra unisont til flerstemt: Gjennomgang av enkle arrangementer som egner seg i klassene, blant lærerne og til samarbeid med sangere og kor i nærmiljøet.

Sang i norskfaget: Sangboka som lesebok, tekstsamling og som utgangspunkt for tegneserier, dramatiseringer, kreativ skriving og prosjekter.

Sang og dans: Selvfølgelig! Vi klarer ikke å holde oss i ro. Denne delen inneholder også en gjennomarbeidet koreografi til en av sangene i Sang i Norge.

Sangforestillinger: Du får tips til gjennomføring av sangforestillinger - en samling sanger bundet sammen av små tablåer og tekster til opplesning. Kursmateriellet inkluderer en forestilling som du kan framføre på en enkel måte med egen klasse, eller i samarbeid med flere lærere/fag.

Kursholder Kjersti Østnes Eggum fra Musikk i Skolen, har lang erfaring som lærer i ungdomsskole og barneskole. Hun har også arbeidet i kulturskole og vært kommunekoordinator for Den kulturelle skolesekken. Hun står ansvarlig for flere prosjekter til skoler /barnehage fra Musikk i Skolen, og står bak vår helt nyeste satsing, musikalen Barnas klimakonferanse.

Pris: Kurset varer én dag/ seks timer og koster kr 1300/ 900 (medlemmer i Musikk i Skolen) inklusive materiell og en enkel lunsj.

Kurset kan bestilles til egen skole/ kulturskole/ kommune/ region. Det kan tilpasses lokale forhold, nivå og behov. Ta kontakt for mer informasjon.

http://www.musikkiskolen.no/kurs-og-paamelding/paamelding.html

Godt nyttår til alle saman!

2011-01-03T17:24:00.001+01:00

Vil få ønskje alle saman eit riktig godt nyttår. Vi i Vågå kommune håper at de kjem med innspel til oss desse siste vekene før endeleg prosjektrapport skal ferdigstillast.

Prosjektleiar-stillinga blir redusert til 50 % frå og med i dag 3.januar, og difor er det ikkje sikkert det blir like jamnlege oppdateringar som tidlegare. Men vi skal prøve å halde dykk orientert om det viktigaste som skjer!

Nydeleg juleframsyning av Ungdomsskulen

2010-12-16T14:06:00.002+01:00

16.desember viste Vågå ungdomsskule fram ”Ei reise i bøkenes verd”. Produksjonen er laga av ungdomsskulen i samarbeid med mellom andre Endre Skjåk, og er støtta av midlar frå Den kulturelle skulesekken i Oppland fylkeskommune.

Handlinga utspelte seg på eit bibliotek, og vi møtte i løpet av den timeslange framsyninga fleire kjende og kjære karakterar frå både norsk og internasjonal litteratur. Elevar og tilsette ved Vågå ungdomsskule kan vere verkeleg stolte over kva dei har fått til her!

Her ser du alle elevane danse til songen "Glow" på slutten av forestillinga:

Liv og røre på Vågåmo skule

2010-12-15T16:26:00.003+01:00

Prosjektleiar er blitt utstyrt med kamera, og var i dag på Vågåmo skule for å sjå kva som gjekk føre seg.

Over ser de elevar gjere seg klar for kake- og kaffesal i matpausa. Prosjektleiar spurte om pengane ikkje burde gå til dei fattige barna i Afrika, og fekk då svar at inntektene skulle gå til dei fattige barna i elevrådet. Humor har dei i alle fall elevane i Vågå.

Fysisk aktivitet er også blitt ein del av kvardagen på nye Vågåmo skule. Saknar de Klones, spurte vi. Svaret vi fekk var at dei sakna akebakkene.

Adventsdronninga på besøk i Søre-Grindstugu

2010-12-08T11:57:00.002+01:00

I Søre-Grindstugu er dei heldige å ha eit kreativt personell, som vågar å bruke seg sjølv og alle sansane sine i sin omgang med ungane. Dei er også heldige å ha folk som er oppteken av drama, og som defintivt har talent. Sjå bilete frå då "Adventsdronninga" var på besøk i Søre-Grindstugu barnehage 8.desember.

Flytting på gang!

2010-12-07T15:45:00.003+01:00

Dagen elevar og tilsette på Vågåmo skule har gleda seg til, har no kome. Dei skal få flytte inn i nye lokaler i Vågåmo, og er difor ferdig med å tilbringe skuledagen på Klones. I går var det dugnad for å flytte 5-7.trinn. I kveld skal tinga til 1-4. trinn flyttast. På torsdag er det opning, og alle elevar og tilsette er klar for sin nye skulekvardag. Her er elevane på 5.trinn i full gang med å øve til julekonsert.

Her kan du sjå fleire bilete frå deler av den nye skulen.

Nytt skulekjøken:

Rydding i korridorane på gang:

Felles opphaldsrom for elevane:

Bibliotek:

Mogleg samarbeid med Tyskland

2010-12-06T17:24:00.003+01:00

Prosjektleiar fekk i haust innvilga støtte frå Senter for Internasjonalisering av høgare utdanning til å reise på eit såkalt "Comenius regio partnership contact seminar" i Budapest. Målsettinga med seminaret var at skuleeigarar frå heile Europa skulle møte kvarandre for å finne eventuelle partnarar for interasjonalt samarbeid.

På seminaret hadde vi "speed dating" med dei andre deltakarregionane. På bilete over ser du prosjektleiar saman med nokre av dei andre deltakarane. Vi fekk då presentert oss sjølv og fekk vite ein del om dei andre regionane. På bakgrunn av dette, fann eg ein partnar som passar bra til Vågå. Dette er ein region i delstaten Bayern, og litt landleg til - slik som Vågå. Det ligg i fjellområda, og skulen vi ønskjer å samarbeide med ligg på ein liten plass som heiter "Königsdorf". Lagt ved ligg deira prosjektskildring.

Prosjektideen om samarbeid er, som vi saman diskutere oss fram til: deling og utvikling av meir praktiske undervisningsmetoder - gjerne knytt til naturen - for å utvikle betre basisdugleikar hos elevane og sørge for at elevane blir meir motiverte. Begge regionen har mange av dei same utfordringane: vi treng å prestere betre i basisdugleikar, må auke motivasjonen for læring hos elevane og ikkje minst sørge for at elevne får auka sjølvtillit og mestringskjensle. Planen for samarbeidsprosjektet blir då å auke mestringskjensla hos elevane ved å utvikle nye og spanande metodar for "uteskule" mellom anna - og bruke arenaer utanom klasserommet for auka læring hos elevane.

I Comenius må det vere minst tre aktørar representert i kommunen:

- kommunen som skuleeigar

- Minst ein skule eller barnehage (I Vågå vil det vere prat om skule i dette samarbeidsprosjektet sidan det er skule i Tyskland)

- Minst ein annan institusjon som driv med opplæring.

I Vågå kan alt frå ein skule til alle skulane bli med i dette prosjektet. Vi må ta ein diskusjon på kven som ønskjer å vere med, og kven det passar best for, rektorane mellom. Det er viktig at den eller dei skulane som blir med på dette, er verkeleg gira på å få det til og sette av tid til internasjonalt arbeid. I tillegg må vi å finne ein institusjon som jobbar opp mot skulen i høve til natur og undervisningsopplegg knytt til miljø og natur. Tyskland har alle sine tre på plass allereie (som du kan sjå av vedlegget). I tillegg til skulen og skuleeigar, har dei med eit aktivitetssenter for ungdom som jobbar med opplegg i skulene knytt til natur, miljø og sosial trening. Det beste er om vi kan finne ein tilsvarande aktør å samarbeide med. Vi har ikkje funne denne enno, men det er fleire aktuelle kandidatar i Vågå og i regionen.

Søknadsfrist for å søke på midlar til Comenius regio, er 21.februar. Vi kjem då til å søke på støtte til utveksling og eventuelt midlar til andre tiltak. Det vil si at tilsette frå kommune, skular og representantar frå den tredje institusjonen, vil få moglegheit til å reise til Tyskland for å lære av kva dei gjer, ha work shops, utveksle idear og diskutere nye metodar. Dei frå Tyskland vil også kome hit på besøk for å lære av oss. Vi ønskjer også å knyte oss opp til høgskule eller universitet, som kan hjelpe oss i høve til nye metodar og undervisningsopplegg. Får vi innvilga søknaden, så vil vi få moglegheit til å reise og få alle kostnadar knytt til dette, dekt - i tillegg kan vi søke på inntil 25 000 Euro til forsking, seminar, publikasjonar og diverse andre ting. Vi kan få maks støtte på 24 mobilitetar. Ein mobilitet er reise for ein person ein gong. Det vil si at til dømes åtte personar frå Vågå kan reise over til Tyskland tre gonger i løpet av to år (eller seks personar fire gonger).

I fyrste omgang er Comenius regio samarbeid for tilsette - for å lære av kvarandre. I eit slikt prosjekt vil det likevel vere naturleg at også elevane kommuniserer. Det vil vere naturleg at elevane til dei tilsette som blir med på dette, kan kommunisere via å sende bilete til kvanadre, korte tekstar (avhengig av alder) både på engelsk, tysk og norsk, kan kommunisere elektronisk og også på andre måtar samarbeide. I tillegg går det seinare an å søke om å få pengar til skulepartnarskap, der også elevane får moglegheit til å reise på utveksling. Det er mange moglegheitar gjennom EU-systemet, og det gjeld berre å bli kjende med dei.

På bilete over ser du "det norske bordet" med smakebitar frå Noreg. G35 er sjølvsagt på bordet!

Samarbeid med utlandet?

2010-11-30T19:19:00.002+01:00

Ei av målsettingane med prosjektet vårt i Vågå, er å opne opp Vågå mot omverda. Vi ønskjer å vekke elevane sitt internasjonale engasjement, og også samarbeide meir med skular og barnehagar i andre land.

Torsdag reiser prosjektleiar på eit EU-seminar i Budapest der målsettinga mellom anna er å prøve å finne samarbeidspart i Europa med målsetting om både elev- og lærarutveksling.

Vi har også oppretta kontakt med skule i Finland og England, så det ser ut som samarbeid skal vere innanfor rekkevidde.

Ser de fordeler av samarbeid med skular i andre land? Har de ønskje om spesielle land eller spesielle tema?

Har du tips til kvar vi kan ha fotoutstilling?

2010-11-19T13:29:00.003+01:00

Skulane og barnehagane i Vågå skal dei neste månadane i gang med eit fotoprosjekt. 15 kamera er kjøpt inn til elevbruk, og alle elevane skal fotografere lokalsamfunnet i Vågå - både menneske, natur, bygningar og kultur.

Arbeidet skal ende med ein utstilling der vi skal syne fram arbeida til barnehageungane og skuleelevane frå heile Vågå.

Har du tips om kvar vi kan ha ei slik utstilling? Utendørs eller innendørs? Tenk heilt originalt, og kom med idear til oss. Så skal vi prøve å gjennomføre!

Skule- og barnehagesatsinga vår innvilga støtte på 900 000 kroner

2010-11-19T13:27:00.000+01:00

I september i år søkte Vågå kommune på utviklingsmidlar frå Utdanningsdirektoratet til utviklingsprosjekt i kulturskule, skule og barnehage. Vi søkte på på støtte til prosjektet vi er i gang med i Vågå under paraplyen "Kulturmøte", og fekk i går svaret på at vi er innvilga støtte på 900 000 kroner. Desse pengane vil kome alle barn og unge, og heile Vågå-samfunnet til gode.

Vågå kommune ved kulturskulen, ønskjer å sette i gang eitt arbeid knytt til kulturmøte. Vi har tru på kulturmøte fordi vi meiner at elevane må få eit medvite forhold til eige identitet i møte med andre uttrykksformer og andre land sine kulturar. Vi ønskjer å knytte arbeidet rundt tre pilarar; foto og målarkunst, smak og mat og musikk. Kulturskulen skal i dette prosjektet jobbe mot skulane, slik at tilbodet går til alle elevane i skule og barnehage. Vi ønskjer å ope opp skulane og barnehagane motlokalsamfunnet, og lokalsamfunnet skal opnast opp mot omverda.

Vågå ønskjer å bygge opp Kulturskulen som eit ressurssenter, som kan serve lokalsamfunnet og vere synlege for innbyggjarane våre. I prosjektet ”Kulturmøte” ønskjer kulturskulen eit spesielt fokus retta mot skulane og barnehagane. Vi ønskjer å styrke opplæringa i kunstfag og opplæringa gjennom kunstfag i skule og barnehage, og ønskjer å byggje dette samarbeidet rundt paraplyen ”Kulturmøte”.

Kulturskulen ønskjer gjennom dette prosjektet å synleggjere korleis vi kan få til eit samarbeid innanfor kompetanse skular og barnehagar etterspør, og at eit slikt samarbeid kan styrke elevane, lærarane og samfunnet som heilskap. Områda som er plukka ut, er område som er forankra i forprosjektet vårt, og som
dei fire undergruppene i forprosjektet har pekt på at dei ønskjer kompetanse og samarbeid innanfor.

Kulturmøte var eitt av dei områda mellom anna undergruppa "Det globale i det lokale" ønskja å fokusere på. No får vi altså 900 000 kroner til å sette i gang med dette arbeidet i 2010.

"Fotografi er det eneste som er større enn livet"

2010-11-15T12:41:00.003+01:00

Det sa Morten Krogvold då han torsdag møtte tilsette i skule og barnehage i Vågå kulturhus.

Vi fekk oppleve ein engasjert Morten Krogvold som prata generelt om skule og barnehage, om kunst og om fotografiet. Krogvold meinte at vi i skule og barnehage bør bli flinkare til å stille gode spørsmål, og at vi bør trene opp ungane til å utfordre det vi tek for gitt.

Bruk sanseappratat!
Fotografi handlar om å bruke alle sansane våre, og det handlar om sjølvutvikling – til å ta stilling til seg sjølv. Når vi tek bilete må vi fortelje ein historie, sa Krogvold. Han oppfordra oss til at elevane skal skrive ei novelle om Vågå fotografisk. Og historia må alltid kome foran teknikken.

I skule og barnehage skal vi no i gang med fotoprosjekt, der ungane og elevane skal skildre "Mitt Vågå". Fridomen innanfor dette temaet er stort, og vi satsar på at vi skal få til ei utstilling på nyåret. I dette arbeidet er det viktig at vi gjer Morten Krogvold ord til våre. Vårt håp er at meir fokus på foto i skule og barnehage skal få elevane til å vekse og til å bruke sansane - slik kan dei bli betre kjende med både Vågå og seg sjølv.

Smak i skulen

2010-11-08T13:46:00.005+01:00

Det skjer allereie mykje bra i skulane og barnehagane våre når det gjeld smak og mat. Dette er likevel eit felt vi ønskjer å satse på og videreutvikle her i Vågå. Vi ønskjer å bruke dei lokale smakane våre i samspel med andre, og bli flinkare til å knyte dette opp mot fag og kompetansemål i alle fag.

I førre veke hadde 6.trinn ved Vågåmo skule smaksprosjekt i mat- og helseundervisninga, som ein del av "Smakens veke", som er eit program og undervisningsopplegg sett i gang av landbruks- og matdepartementet.

Du kan sjå elevane er i full gang med å smake. Dei skal lære seg å kjenne dei ulike grunnsmakane, og skal gjette på dei smakane dei får. Dei får utdelt noko som ser likt ut, men som ikkje smakar likt.

Har du idear til korleis ein kan bli flinkare til å bruke smak og mat i undervisninga? Har de gode døme på at dette gjev elevane betre læringsutbytte?

Drømmebilete ditt?

2010-11-02T10:19:00.001+01:00

Vi er no i ferd med å sluttføre arbeidet i forprosjekt. I den samanheng prøver vi å definere eit drømmebilete av skule og barnehage i Vågå. Korleis ser den perfekte skuledag eller skuleveke ut? Ikkje tenk grenser her, men tenk kreativt og gjerne utanfor boksen.

Korleis ser den perfekte dag ut i barnehagen? Kva lærer ungane? Kva fortel dei når dei kjem heim?

Kom gjerne med innspel!

Morten Krogvold vil inspirere oss!

2010-10-28T12:22:00.002+02:00

Vågå kommune ønskjer å utvikle Vågå som fotobygd, og ønskjer å sette i gang eit systematisk arbeid rundt foto- og biletebruk i skule. Vi ønskjer å auke forståinga blant elevane for bilete, og øve dei opp til å bli dyktige fotografar.

Vi er heldige i Vågå å ha Morten Krogvold som vågåven. Han kjem for å møte tilsette i skule og barnehage torsdag 11.november klokka 18. Det skjer i Vågå kulturhus, og temaet er fotografiet - oppbygging og korleis ta gode bilete. Alle er velkomne sjølvsagt - også dei som ikkje er tilsett i skule og barnehage.

Spanande møte i Oslo (og vi ønskjer fleire innspel frå dykk)

2010-10-25T21:04:00.002+02:00

Ordførar og prosjektleiar har i kveld hatt møte med eksterne samarbeidspartar i prosjektet vårt. Både professorar, kulturskulefolk, musikkfolk, idrettsfolk, skulefolk, kommunefolk og berre folk var representert. Vågå meiner det er viktig å få innspel frå folk utanfor kommunen, som kan sjå ting annleis enn det vi gjer. Ikkje minst er det viktig å få innspel frå folk som ikkje jobber med prosjektet til dagleg, og som kan kome med kritiske innspel og tips til forbetringar.

Oppfordringen frå dei frammøtte var at vi må finne ein innpakning som verkeleg får fram kva Vågå er gode på, og kva som er unikt for Vågå. Vi må vere meir ambisiøse, tenkje meir kreativt og ha eit enno meir "hårete mål". Dei tykkjer undergruppene har lagt fram mykje spanande, men ønskjer vi skal vere enno meir offensive. Og kanskje burde vi samle ein gjeng som ikkje er vagværer for å ha ei idémyldring på kva det er som er spesielt med Vågå. Kva er det med Vågå som gjer at folk vil flytte dit? Det er det kanskje lettare for folk utanfor kommunen å sjå.

Har du innspel til crazy oppsiktsvekkande ting som Vågå kan satse på i skulen? Noko som er så spesielt, som ingen andre gjer, og som bygger på lokale fortrinn? Og kva er våre lokale fortrinn?

Vi vil meir enn gjerne ha innspel!!

Kom med innspel no!

2010-10-22T09:58:00.002+02:00

Prosjektleiar og prosjektgruppa er no i gang med å lage ferdig forprosjektrapporen, der det skal stå kva vi ønskjer å fylle skule og barnehage med i Vågå dei neste åra. Og ikkje minst korleis vi skal få dette til å bli samfunnsutvikling, og ikkje berre skuleutvikling.

Rapporten skal baserast på dei fire rapportane for undergruppene. Har du innspel til innhald i fullstendig rapport. Kom med innspela no! Om ein månad kan det vere for seint.

Velkomen til ny kommunalsjef for oppvekst og kultur

2010-10-18T12:58:00.003+02:00

I dag har Jan Egil Fossmo sin fyrste dag på jobb i Vågå kommune. Han skal overta som kommunalsjef for oppvekst og kultur etter Kjell Nyhus.

Det er berre å ønskje Jan Egil Fossmo velkomen som ny sjef for sektoren i Vågå, og håper alle tek godt i mot han. Eg trur alle ser fram til å samarbeide med han om å lage Noregs beste skule i Vågå!

Skulen øydelegg kreativiteten hos ungane

2010-10-11T14:03:00.002+02:00

Høyr og sjå Ken Robinson sitt fantastiske foredrag om kva som feila innanfor skulesystema i verda. Verkeleg tankevekkande!

Undergruppene har lagt fram sine rapportar!

2010-10-11T09:02:00.002+02:00

Dei fire undergruppene som har jobba med dei fire satsingsområda i skule- og utviklingsprosjektet i Vågå, har no lagt fram sine rapportar. Sidan april har dei breitt samansette gruppene jobba på spreng med å svare på mandatet dei har fått av prosjektgruppa.

Undergruppene har mange spenstige forslag om kva som bør vere innhaldet i barnehage og skule innanfor dei fire satsingsområda estetiske fag, IKT, matkultur og fysisk aktivitet og ”Det globale i det lokale”. På bilete ser du alle leiarane av undergruppene saman med Jon Roar Bjørkvold.

Undergruppa som har jobba med estetiske fag har vore leia av Elisabeth Holshagen. Dei ønskjer ei sterkare satsing på estetiske fag i skule og barnehage i Vågå, og meiner at vi gjennom arbeidet med estetiske fag må sørgje for at elevane får betre kjennskap til både kunst og kultur i Vågå og i resten av verda. Målet med arbeidet er å styrke alle sansane til elevane, og bygge heilskaplege menneske.

Undergruppa for matkultur og fysisk aktivitet har vore leia av Hans Olav Øvre. Undergruppa meiner vi har alle moglege føresetnader for å bli landsledande når det gjeld fysisk aktivitet og matkultur. Undergruppa set seg som mål at Vågå skal bli best på fysisk aktivitet, matkultur og smak i skule og barnehage innan 2020.

Undergruppa for IKT har vore leia av Ole Damstuen. Gruppa går inn for at Vågå kommune styrker satsinga på IKT ved å oppgradere utstyret, og styrke den pedagogiske bruken av digitale verktøy i skule og barnehage. Undergruppa meiner det trengst eit krafttak både når det gjeld kompetanse og utstyr for å nå målsettingane i læreplanverket.

Undergruppa for ”Det globale i det lokale” har vore leia av Helen Øygarden. Denne gruppa har jobba med internasjonale perspektiv og miljø og klima, og ønskjer å satse på fleire kulturmøte i Vågå. Undergruppa meiner vi har alle moglegheiter i Vågå for å bli betre på arbeidet i skule og barnehage i møte mellom det globale og det lokale.

Du kan finne meir informasjon frå undergruppene ved å gå inn på heimesidene våre: www.vaga.kommune.no/besteskule. Ønskjer du fullstendige rapportar, kan du sende ein e-post til prosjektleiar: hanne.blafjelldal@vaga.kommune.no.

Desse fire rapportane skal no danne utgangspunkt for sluttrapporten, som skal vere ferdig innan 1.desember. Denne skal behandlast av prosjektgruppa i forprosjektet, og til slutt i Kommunestyret.

Ei spanande neste veke!

2010-10-08T14:58:00.003+02:00

På måndag skjer det store ting i skule- og samfunnsutviklingsprosjektet vårt. Då blir dei fire rapportane frå dei fire undergruppene som har jobba hektisk sidan april, lansert. Vi har hatt fire undergrupper som har jobba:

1. Estetiske fag
2. Matkultur og fysisk aktivitet
3. IKT
4. "Det globale i det lokale"

Alle fire undergruppene, som har vore sett saman av lærarar, foreldre, elevar, næringsliv, frivillige lag og politikarar, har hatt nokre hektiske månader. No skal arbeidet deira bli presentert for heile Vågå.
På torsdag skal det vere felles møte mellom leiarane (som du ser på bilete over) av dei fire undergruppene og prosjektgruppa. Prosjektgruppa har ansvar for å sy saman rapportane til eit heilskapleg produkt, og ein prosjektrapport, som skal vere ferdig i desember.

Følg med på måndag. Klokka ni blir rapportane lansert!

Skulptur avduka i Vågå

2010-10-06T20:20:00.004+02:00

Førre torsdag, vart skulpturen av Dan Brown avduka ved Lemonsjø. Skulpturen er den fyrste i prosjektet "Kunst i sentrum", som Sparebankstiftelsen DNB Nor og Lillehammer kunstmuseum tok intitiativ til.

Prosjektet skal auke bevisstheita og kunnskapen om kunst, og gjere kunsten tilgjengelege for folk i kommunar som Vågå. Skulpturen vart avduka av Rune Øygard, som også nemnte på skule- og samfunnsutviklingsprosjektet under seansen.

Flott bidrag til Vågå kommune, som vil vere til nytte for både store og små.

Ei språkreise mot vest

2010-10-06T20:01:00.005+02:00

Ja no har alle undergruppene levert endelege rapportar. Rapportane blir offentleggjort på måndag, og det blir veldig spanande. Det er fire spente undergrupper som er klare for å levere det produktet dei har jobba hardt med dei siste vekene. Følg med!

Elles denne veka, har prosjektleiar og oppvekstsjef mellom anna vore ein snartur til Vestlandet (primært for møte med fagmiljø som er sterke på det vi ønskjer å bli gode på i Vågå). Der fekk vi mellom anna besøkt Ivar Aasen-tunet i Ørsta kommune. Nynorsken er viktig for Vågå, og noko vi ønskjer å satse på i skule og barnehage. Vågå er ei stolt nynorskkommune, som også har lange tradisjonar innanfor ordkunst (til dømes Ivar Kleiven). På Ivar Aasen-tunet fann vi jammen ikkje vår mest kjende vagver også:

Og ikkje berre har vi ein prosjektleiar som har måtte lære seg å skrive nynorsk etter ho kom til Vågå. Ho er også i ferd med å lære seg å ta bilete, for å passe inn i fotobygda Vågå. Eit meget vellukka bilete av "Dølen" - utstilt på Ivar Aasen-tunet.

Pesten herjar Jutulheimen

2010-10-01T07:22:00.004+02:00

Tekst og foto: Torunn Elise Kveen

They did it again! Elevar og vaksne frå kulturskule og skule gav oss eit fyrverkeri av fargar og energi, i beste «vågåstil».

Middelaldersstemning
Middelalderen slo over oss alt i det vi passerte porten i Jutulheimen. Eit mylder av pestprega andlet, fartsfylte gjøglarar, bønder, musikarar og mengder av energi og fargar møtte oss. Eit middelaldertema drønna i presteberget frå horn i stabbur og ved hushjørne, og losa oss ned til scene og amfi nedom tunet. Husa og tunet forsterka kjensla, likeeins det sure og haustkledde veret. Sjå fargane! Høyr musikken! Kjenn på stemninga! Ein kunne til og med, om ein kjente riktig godt etter, kjenne lukta av middelalder, med gjørmet leire, smedrøyk og torgmylder.
Samarbeid ber frukt
For tre-fire år sidan hadde kulturskulen ei framsyning i Jutulheimen farga av gamledagar, segn og eventyr. Denne inspirerte kulturskulerektor Anita Moe til vidareutvikling av ei middelalderførestilling. Ho søkte, og fekk midlar frå Norsk kulturskuleråd til å sette opp ei førestilling saman med profesjonelle skodespelarar. Tida var nå endeleg komen, mange førebuingar, idédugnadar og skisser var gjort, tankar var tenkt og mange øvingstimar med dans og spel i kulturskulen var unnagjort. Den profesjonelle teatergruppa ”Turnekompaniet” frå Hamar var på plass, heile kulturskulen, 7. steg ved Vågåmo skule, samt 9. steg ved Vågå ungdomsskule. I tre dagar til ende, med generalprøve og førestilling fjerde dagen, har om lag 200 ungar og vaksne arbeidd flittig i gode øvingsprosessar, og i kostyme- og rekvisittverkstadar. Stort spenn
-Oj, så flott. -Oj, sjå der! Ei spektakulær førestilling fekk vi. Her var sterke fargar, stemningar og inntrykk. Vi fekk opplevingar med spennvidde frå dramatikk og dristige stunt med eld og knivar, via dyktige gjøglarar med vågale pyramidar, til sjarmerande skramleorkester. Martin Steinum Brun og Mari Hårstad tok oss på senga som songsolistar, tett på publikum, nakent flott. Ein høgtideleg prosesjon av dokker i gilde farger kom ned frå tunet, bønder og pest kjempa ein dramatisk kamp, dristige turnarar, og elegante dansarar imponerte publikum. Alle i gjennomførte middelalderkostyme, noko eigenprodusert og noko innleigd frå Jørundgard. Det heile var spenstig og storslått koreografert. Høgdepunktet frå Turnekompaniet var utvilsamt Trond som sjonglerte med knivar, slukte flammar og fekk elevar til å hoppe gjennom brennande ringar. Andre del av førestillinga gjekk føre seg mellom husa på tunet, med dans, fleire musikkinnslag og gjøglemylder. Det heile var bunde saman av eit musikalsk middelaldertema som gjekk att som ein raud tråd, frå trombone, baryton, trekkspel, fiolinar, fløyter og rockeband -attkjennande og stemningsberande.
Felles innsats
Førestillinga viste oss at vi har mykje og mange å gle oss over, og mange det skal bli spennande å fylgje framover. Her glitra det i mange auger og lyste av opne andlet som har hatt det fantastisk moro desse dagane. Det er slett ikkje kvardagskost for ungar å få leike seg med open eld mellom hus som er fleire hundre år gamle, langt mindre få oppleve at folk set flammane til livs.

Tekst publisert i Norddalen torsdag 30.september

Magisk i Jutulheimen

2010-09-29T14:11:00.003+02:00

Foto: Kjell Stålevik
På laurdag (25.september) arrangerte kulturskulen i Vågå "Teater på tunet" der elevar i kulturskule og skule i samarbeid med fire prosesjonelle skodespelarar samarbeida om ei spektakulær framsyning.

Foto: Kjell Stålevik

Elevane hadde øvd veka før, og publikum fekk sjå både gjøglarar, flammer, sang, dans, musikk i ei framsyning der temaet var pest og middelalder. Kampen mellom svartedauden og folk var gjennomgangstema gjennom heile framsyninga.

Gjøglarar i aksjon:

Foto:Kjell Stålevik

Svartedauden:

Foto: Kjell Stålevik

Modige elevar kastar seg gjennom flammeringen:

Foto: Kjell Stålevik

På vengjer av kjærleik og glede

2010-09-24T15:09:00.002+02:00

Les Torunn Elise Berg sin fantastiske forteljing om møte med Jon Roar Bjørkvold

Ein glytt inn i vårt innarste, sterke inntrykk og uttrykk, vørdsemd og sår andakt. Jon-Roar Bjørkvold spelar på strenger i oss som alt for sjeldan er i bruk.

Det innarste
”Hal e fli i dag? Jammen, e vil hå fli!“ Ei vital lita dotter har eg på lån, med glimt i augo og, forsiktig sagt, stort kjenslespenn. I eit skinande nå, lev ho. Når ho kjem bårande om morgonen, derimot, gjerne før seks, kling av og til strengene ugreitt. På denne tida av døgnet innrømmer eg at det kan vera ei utfordring å vera særleg imøtekomande. I otta, dagen etter møtet med Jon-Roar Bjørkvold på kulturhuset i Vågå, gjorde jentas buldrande entré slett ingenting. Klar til angrep og hogg, var ho. –Hei, jenta mi, så bra at du kom alt nå, smilte eg, og tenkte: så heldige vi er som får møte ein ny, flott og klår haustdag saman. Jenta slo om, som på ein femøring, og møtte dagen og meg med desse orda: ”Du er perfekt, mamma. Eg elskar deg!”

Etter tredje møtet med Bjørkvold, røyrer han framleis ved strenger som sjeldan er i bruk i meg. Fyrste gongen, som fersk skule- og kulturskulelærar, sat eg som frelst. Den gongen, som no, gav han av seg sjølv, song med ei kraft og ei vørdsemd som greip tak og heldt fast, han lokka fram latter og gråt, sårheit og glede. Han balanserte stødig og elegant i all verdas toneartar på ein gong. Denne mannen hadde jo skjønt det, verkeleg skjønt det, tenkte eg den gongen. Sjølv no, ved tredje møtet, reiser håra seg på ryggen når han les og fortel om mannen med Alzheimers sjukdom, som stødig og verdig reiste seg opp av rullestolen i konas gravferd, og kom fram og takka han for vakker song. Eg kjenner varme og godheit bre seg når eg høyrer lydklippet av det levande samspelet i latter og song mora og den blinde babyen har, gjennom voggesongen Trollemor. Bjørkvold held oss i skjerpa estesi gjennom timar.

Noregs beste skule – mennesket i sentrum
-Om vi greier å kople det ubevisste med rasjonaliteten, seier Bjørkvold, og drive skulen vår skapande og ikkje spekulativt, vil vi nå eit langt djupare nivå. Vi må alle ta menneskebrillene på. Skal vi styrke faga, må vi styrke mennesket, og vi må ha mennesket i sentrum. Slik vil vi bli betre rusta til å møte motbakkane og motvinden. Å prøve seg på Noregs beste skule forpliktar grenselaust, og får de det til, vil det få nasjonale konsekvensar, seier Bjørkvold denne kvelden.

Barnet eig livet
Bjørkvolds utgangspunkt er biletet av eldste dottera som baby, med eit blikk som fangar og koplar til, som berre eit spedbarn kan. -Vi må ta vare på ”trøkket” i barnet og forvalte gleda barnet har ved livet. ”Jeg eier livet, livet eier meg”, seier han om barnet. -Forvaltar vi ikkje gleda ved å leva, tørkar vi inn som menneske. Bjørkvold legg vekt på at det er ein estetisk dimensjon i alt. -Her skil vi ikkje mellom fag og estetiske fag, musikk eller ikkje musikk. Det er ein estetisk dimensjon i alt og i alle fag, kreativiteten kjem som eit utslag av vår personlege estetiske oppleving –det pedagogiske eros! Innfallsporten treng ikkje nødvendigvis vera musikk.

Det musiske læringssenteret
-Treff vi det musiske læringssenteret i mennesket, kan vi spele i alle toneartar. Song, til dømes, skal vera påkopling, ikkje avkopling, seier Bjørkvold. -Musikk kan endre alt. Vi fekk kjenne på kroppen krafta musikk kan ha da han viste oss introen til TV-serien ”Dynastiet” med to ulike lydspor til. Med trompetmusikk blir raud raudare, rett og slett, og ulik musikk til, fekk tida til å tre fram med ulik lengde. Likeeins kan musikken i stemma endre alt. Fint kan seiast på så mange måtar. -Mennesket sansar i heilheitar, i synestesi, dette må vi ta med oss inn i skulen. Slik skulen er i dag, er den delt i einheitar, seier Bjørkvold.

Attende i klasserommet
Det er fredagsmorgon, eg svevar framleis på møtet med Jon-Roar Bjørkvold kvelden før, og på vengjene av kjærleik dottera mi gav meg i møtet med dagen. –Er ikkje vi heldige som vakna i dag tidleg, kvitrar eg til ungane i klasserommet. Elevane glyttar på kvarandre. ”Kva pønskar ho på nå, tru”, les eg av augo deira. Eg triv gitaren og vi syng Jahn Teigens ”Optimist”. Songen vi har sunge mange gonger dei siste vekene, men som for meg trer fram i ei anna farge og med ei anna djupne denne morgonen. ”Jeg har en tro, jeg har et mål som jeg skal finne. Jeg har en kraft, og det er viljen til å vinne. En dans for håpet og en dans for gleden. En dans i lyset og en dans for freden. Optimist (...)” ”Og vi som trudde det ikkje var mogleg for dama å bli sprøare”, gliser blikka til ungane. Måtte det vare! Måtte det vare, tenkjer eg. Eg er klar, klar med hammar og meisel. Eg vil vera med å byggje Noregs beste skule!

Tekst og bilete av Torunn Elise Berg. Publisert i Norddalen torsdag 23.september 2010.

Bjørkvold inspirerte

2010-09-17T08:12:00.005+02:00

Vågå kulturhus vart løfta til himmels torsdagskveld, og publikum som hadde møtt opp vart vekt, stimulert og tenkjer truleg heilt annleis på enkelte ting i dag, enn dei gjorde i går. Her ser du nokre av orda som kom opp då vagværen vart beden om å si kva dei følte når dei høyrte barnesongar.

Forfattar og professor Jon Roar Bjørkvold uttala at han hadde gleda seg som ein unge til å kome til Vågå, og i vårt møte med Bjørkvold, vart vi også alle som ungar att. Og nettopp barnet og gleden barnet har over livet og songen, var mykje av det Jon Roar fokuserte på i foredraget sitt. Små ungar er opne for alt, med ein fantastisk lyst til å lære. Dette må vi ta vare på, stimulere og inspirere, sa han.

Bjørkvold er oppteken av at alle stemmene må kome til uttrykk, og korleis vi skal oppnå tilpassa opplæring. Han fekk ikkje understreka nok at lærarar må vere glad i mennesker - for er du ikkje glad i ungar, har du ingenting i læraryrket å gjere.

Eitt av høgdepunkta var då Bjørkvold viste oss introen til Dynastiet, og fekk oss til å legge merke til det som skjer under "bevissthetsgrensa". Og kva skjer med stemningen og kjenslene vi får av introen om du legger til anna musikk? Det var ein tankevekkande oppleving for oss alle.

Vi opplevde ein mann som gav mykje av seg sjølv, og som med humor, sjølvironi, levande bevegelser, skildringar og med varme, klarte å formidle bodskapen om kor viktig det er at mennesket får bruke alle sansane sine.

Bjørkvold fekk etter foredraget overrekt gåve av ordfører Rune Øygard, som sa han følte Jon Roar hadde blitt ein sann Vågåven. Skuleprosjektet vi er i gang med er grunnen til at Bjørkvold har take turen til Vågå, og Jon Roar fekk ikkje fullrost tankegangen bak prosjektet nok. Og Ordførar Øygard avslutta slik: "Vi får tru på at dette er rett tenkt, og vi får ei sterkare ryggrad til å makte utfordringane".

Sitat frå Jon Roar Bjørkvold i løpet av kvelden:

"Han hadde bare fagbrillene på og ikke menneskebrillene"

"Vi skal ikke bare snakke om, men være i"

"Vi må ha tid til begrepenheten, for at begrepene skal feste seg"

"Skal mennesket løftes gjennom kunnskap, må det energi til"

"Sang er ikke avkobling, det er tilkobling"

Nokre av tilhøyrarane som hadde møtt opp. Bjørkvold saman med oppvekstsjef Kjell Nyhus.

Fantastiske kursdagar i musikk

2010-09-15T16:00:00.004+02:00

Vågå kommune arrangerte i går og i dag to kursdagar i musikk for alle tilsette i Nord-Gudbrandsdalen. Kurshaldar har vore Kjersti Østnes Eggum, og det er organisasjonen "Musikk i skolen" som har stått bak kurset. Vågå kommune har vore arrangør, og alle tilsette i musikk i heile Nord-Gudbrandsdalen har vore invitert.

Fyrste kursdag var for dei tilsette med liten formell bakgrunn i faget eller liten undervisningserfaring. 24 deltakarar var med, og dei fekk prøve seg sjølv og fekk tips om korleis musikkundervisninga kan gjerast enkel og interessant. Her kan du sjå bilete av deltakarane, som fekk oppleve ein praktisk dag med både musisering, komponering, rytme og dans.

Andre kursdag var for dei tilsette med formell bakgrunn i faget og meir undervisningserfaring. 16 deltakarar var med, og det sprudla og bobla av energi også denne dagen. Under kan du sjå nokre bilete av både arrangement med kostar og der deltakarane får øve seg på dans.

Tusen takk til Kjersti som var kurshaldar, og til Torunn som tok seg tid til å vere her for å gje oss innspel til prosjektet vårt. Vi ønskjer å fortsette samarbeidet med "Musikk i skolen", og ønskjer dei velkomne attende til Vågå seinare.

Musisk veke i Vågå

2010-09-12T20:31:00.004+02:00

Kommande veke i Vågå blir musisk. Musikk skal på dagsorden, og når fredagen kjem, håper vi alle innbyggjarane går rundt og syng, smilar til kvarandre og alle syng hei når dei møtar andre på gata.

På tysdag startar vi med kursdag 1: "Musikk på timeplanen". 24 lærarar påmeldt, som skal lære om korleis vi kan setje musikk på timeplanen på ein enkelt og grei måte. Dei skal synge, klampre på rytmeinstrument og etter kurset er dei forhåpentligvis i veldig god stand til å ha betre musikkundervisning i Vågå-skulen.

På onsdag er det kursdag 2, med same tema. 16 tilsette påmeldt. Denne gongen for tilsette med formell bakgrunn i musikkfaget, og dei som føler dei kan ein del. Dei skal få verkeleg avanserte tips om korleis vi skal oppnå måla i læreplanverket.

På torsdag kjem musisk menneske, professor og forfattar Jon Roar Bjørkvold. Han skal møte innbyggjarane våre i Vågå kulturhus klokka 1900. Møtet er ope for alle, og gratis. Her kan du lese meir om kvelden.

På fredag, møter samme Bjørkvold alle undergruppene, samt prosjektgruppa i skuleprosjektet vårt. Då skal vi bli utfordra og få samordna arbeidet vårt.

Vi gleder oss til musisk veke, og håper alle innbyggjarane i Vågå blir med oss torsdagskveld klokka 1900 i kulturhuset.

Bli med 7.klasse på tur til Melingen.

2010-09-08T09:51:00.006+02:00

Denne veka har 7.trinn i Vågå vore på overnattingstur og fått oppleve gleden ved fisking og vere ute i naturen. Turen er i samarbeid med Vågå fjellstyre, og er støtta av Den kulturelle skulesekken.
På denne turen får elevane moglegheit til å vere ute i naturen, ferdast i naturen og ikkje minst fiske. Samarbeidet er komen opp fordi Vågå fjellstyre ser nytta av at elevane lærer om dei store områda som fjellstyret har ansvar for (ein stor del av Vågå er statsallmenning) og at dei tidleg opplever gleda ved å vere ute i naturen og bruke av ressursane våre. Det er også viktig at det blir fiska i dei vatna som er i Vågå, sidan det enkelte plassar blir fiska for lite.

Elevane på bilete over er (frå venstre): Torjus Brun Hageløkken, Rolv Magnus Hidemstrdet og Kristian Bjørklund (Fotograf: Hans Olav Øvre)

Samarbeid mellom opplæringsinstitusjonar og andre samfunnsaktørar er noko vi ønskjer meir av. Har du tips eller idear om korleis skulane og barnehagane kan samarbeide meir med lokalsamfunnet for at elevane skal lære meir om lokalsamfunnet vårt? Vi ønskjer gode innspel!

Over ser du bilete av leiren ved Saghaugen ved Melingen

Lalm, kunst og mat

2010-09-03T13:51:00.004+02:00

Og alt heng saman med alt sjølvsagt.

Dagen i dag starta med personalmøte på Lalm, og her ser du eit knippe av dei tilsette ved Lalm oppvekstsenter. Personalet skulle bli oppdatert på ståa i prosjektet vårt, og vi skulle diskutere organisering av fotoprosjektet vi skal køyre i haust. Gjengen på Lalm var som vanleg energiske og positive. Alle vil ha foto på timeplanen, og innspela deira var at vi køyrer "Mitt Vågå" for heile kommunen, så kan vi sjå på likskaper og skilnader frå grend til grend og frå alder til alder. Men alt skal sjølvsagt også samlast i ei sentral ustilling, slik at vi får fram at Vågå er ei kommune. Dette blir moro!! Vi treng litt utstyr og kompetanseheving, men det skal vi få til. Under ser du rektor Anita Hølmo og medlem av undergruppa for IKT, Kristine, diskutere kva som er deira Vågå (truleg).

Seinare på dagen har både gruppene for estetiske fag og matkultur og fysisk aktivtet hatt møte. No begynner dei å stresse litt. Dette er gruppene som skal diskutere seg fram til og finne løysingar for korleis vi skal jobbe med estetiske fag i skule og barnehage og korleis vi skal jobbe med matultur og fysisk aktivitet. Og dei har att under ein månad av arbeidet. Her ser du deler av undergruppa for estetiske fag vri hjernene sine:
God helg! :)

Stor aktivitet i arbeidsgruppene!

2010-09-02T16:11:00.007+02:00

I dag er det ei heftig møteveke, kor tre av undergruppene har møte, samt prosjektgruppa.

Her ser de møte i undergruppa for IKT, som mellom anna har i mandat å finne framtidig løsying for IKT i skulane, og korleis vi kan styrke den pedagogiske bruken av digitale verktøy.

No er det under ein månad til undergruppene skal ha klare sine rapportar og svar på mandatet dei har fått. Det er difor hektisk aktivitet i alle gruppene. I morgon skal det vere møte parallelt i to undergrupper (og bilete kjem av dei også). Og om to veker skal alle undergruppene møtast saman med Jon Roar Bjørkvold for å få gode diskusjonar på tvers.

Undergruppene leverer sine rapportar til prosjektgruppa. Dei har då i oppgåve (i løpet av to månader) å sy saman rapportane til ein heilskap, og legge fram endeleg rapport. Og etter det er det Kommunestyret som avgjer kva som skjer. Her ser du deler av prosjektgruppa under møtet i dag:

Gruppa for estetiske fag ønskjer innspel!

2010-09-01T15:40:00.001+02:00

Som de sikkert er klar over, så har dei fire undergruppene i skule- og samfunnsutviklingsprosjektet frist til 1.oktober med å bli ferdig med arbeidet. Før vi i gruppa for estetiske fag konkluderar, så ønskjer vi å opne for innspel.

Undergruppa for estetiske fag har konkludert med at vi ønskjer å lage konkrete undervisningsopplegg der ein knytar saman kompetanse frå skule og barnehage, friviljuge, kulturskule, næringsliv og lokale fagpersonar innanfor lokalbaserte tema. Alle elevar i Vågå skal gjennom desse undervisningsopplegga på ulike trinn (inkludert barnehage), og vi ønskjer å sørgje for at alle elevane lærer det same om Vågå-samfunnet. Undervisningsopplegget skal innehalde formidling i tillegg til skapande arbeid. Engasjerte elevar er viktig, så det er difor viktig at dei estetiske faga vekker engasjement for reisten av skulearbeidet.

Undervisningspakkene skal:
- vere temabasert
- bygge på lokale fortrinn og ressursar
- vere brubyggjar mellom skule og barnehage, kulturskule, friviljuge lag, næringsliv og profesjonelle utøvarar
- ta utgangspunkt i kompetansemål i læreplanverket, og vere med å styrke måloppnåing i læreplanverket
- vere for hele kommunen slik at alle elevane lærer det same og får tilbod om det same

Vi ønskjer å satse på følgjande tema:
Kvernstein
Foto og bilete
Musikk og dans
Biletvev
Drama
Design og arkitektur

Vi har følgjande diskusjonsspørsmål, vi ønskjer de gjer oss innspel på:
1. Er dette rett tenkt og høyrast det fornuftig ut?
2. Er det andre tema vi burde ha med, som ikkje er nemnt her?
3. Kva for rammefaktorar kan gjere at dette blir vanskeleg å gjennomføre, og kva slags tilrettelegging trengst for at vi skal gjennomføre det?
4. Kva kan gjere at det blir vanskeleg å samarbeide med folk utanfor skuleverket?
Spel- og dansarlaget har i dag eit samarbeid med Vågåmo skule, der dei går inn og underviser 5.trinn i dans over ei viss periode. Er eit slik type samarbeid ønskjeleg i større grad? Kva bør eventuelt omfanget vere? Og på kva område kan slikt type samarbeid hjelpe dykk i arbeidskvardagen?

Med venleg helsing
Undergruppa for estetiske fag
v/ leiar Elisabeth Holshagen

Har du ei god historie du ønskjer å dele?

2010-08-30T17:33:00.003+02:00

Det skjer allereie mykje bra i skule og barnehage her i Vågå. Det er difor viktig at vi får formidla dei gode historiene, og lærer av kvarandre. På ungdomsskulen jobber dei no med foto og lokalsamfunn i kunst og handverken. På Tessand oppvekstsenter, har dei smaksprosjekt. I Sjårdalen jobba dei i vår med eit "høneprosjekt" (altså, dei hadde levande høner dei brukte i undervisninga). På Lalm er dei gode på uteskule. Og på Vågåmo skule, engasjerte elevane førre skuleår seg i ein "Haiti-aksjon". Og vi har personalet i Søre Grindstugu som dramatiserer eventyr for ungar og foreldre.

Har de døme på gode historier frå skule eller barnehage i Vågå då ungane lærte mykje og det verkeleg var engasjement? Kanskje det er gjort noko som andre burde lære om? Del di historie her, eller send ein mail til oss som jobbar med prosjektet, og vi kan dele han med andre på heimeside og på bloggen her.

Korleis rekruttere lærarar til Vågå?

2010-08-26T08:54:00.002+02:00

3000 lærarar forsvann ut av skulesystemet i fjor, medan berre 2700 kom inn. Tal frå SSB viser at vi kan mangle opptil 18 000 lærarar i Noreg i 2020. Dette skjer fordi vi har fleire som går av med pensjon enn dei som utdannar seg til lærarar.

Dette vil gjere at det blir kamp mellom kommunane og skulane om dei beste pedagogane. Allereie no slit kommunar i distrikta med å tiltrekke seg kompetent arbeidskraft. Skal vi klare å få til ein betre skule i Vågå, så er vi nøydd om å lykkast med å rekruttere gode lærarar. Vi må få folk i kommunen vår til å utdanne seg til yrket og at dei kjem attende, og vi må tiltrekke oss kompetanse utanfrå.

Korleis skal Vågå klare å vinne kampen om dei beste lærararkreftane i åra framover? Høgare løn? Betre arbeidshøve (og korleis?)? Rekruttere studentar under utdanning? Betalt utdanning til folk? Gode innspel blir take i mot med takk!

Internasjonalt samarbeid?

2010-08-23T17:13:00.002+02:00

Skulane i Vågå har per dags dato ikkje noko samarbeid med utdanningsinstitusjonar i andre land. Fleire skular og barnehager i Noreg og i verda har både utveksling av elevar og lærarar, kompetanseutveksling og fagleg samarbeid. Dette kan vere nyttig både for skuleleiarar, lærarar og elevar, som får ein heilt kjennskap til andre land enn dei gjer gjennom undervisninga i klasserom.

Ikkje minst er det viktig at vi opner opp auga for reisten av verda her i Vågå, og at vi skjønner at vi er ein del av verda, men også kan påverka verda rundt oss.

Burde vi i skulane i Vågå ha samarbeid med andre land? Kva for land bør vi samarbeide med, og på kva for måte? Og kvifor er slikt samarbeid viktig?

Nytt skuleår i gang

2010-08-17T08:18:00.002+02:00

I dag startar nok eit skuleår i Vågå. Nye seksåringar startar i skulen, og har truleg store forventingar til skulegangen og alt dei skal lære. Det er viktig at vi gjer ein så god jobb i skulen at dei elevane som startar no klarar å halde på motivasjonen, og at dei trivst i skulen. Dessverre ser vi at motivasjon for skulearbeid dalar med alderen, og det er ei utfordring vi må ta alvorlig.

Kva må vi gjere for at elevane skal vere motivert for skulearbeid?
Kva er det viktigaste Vågå kommune bør gjere neste skuleår for å auke trivsel for elevane og betre læringsmiljøet i skulane?

Musikk på timeplanen

2010-08-16T08:59:00.002+02:00

For å styrke arbeidet med musikk i skulen i Vågå, så inviterer Vågå kommune alle musikktilsette i heile Norddalsregionen til to kursdagar i musikk 14. og 15.september.

Dei tilsette vil der mellom anna skal lære korleis vi skal innfri kompetansekrava i faget. Kurset vil vere differensiert etter nivå og erfaring. Dag 1 vil vere for dei med liten eller ingen kompetanse (Nivå 1), og dag to vil vere for dei med meir kompetanse og erfaring i faget (Nivå 2).

Innhald i kurset vil vere:
· Gode tips og enkle metodar for et spanande og morosamt musikkfag
· Komponering og improvisasjon med hovudvekt på rytmikk og kroppen sine instrument
· Improvisasjon med stemme og bevegelse
· Lage eigne tekstar og melodiar
· Ulike tilnærmingsmåtar i lyttearbeidet
· Idear til bruk av enkle lydkjelder og kombinasjon av dans, bevegelse og song

Kurshaldar er Kjersti Østnes Eggum, og ho arbeidar som musikkpedagogisk konsulent i Musikk i Skolen. Ho har erfaring som mangeårig musikkpedagog på ungdoms- og barnetrinnet. Ho er også medforfattar i inspirasjonsheftet til læremiddelpakken om Henrik Wergeland, og har lang erfaring som kurshaldar. Det er organisasjonen Musikk i skolen som er arrangør, og du kan lese meir om dei på : http://www.musikkiskolen.no/

Jon Roar Bjørkvold til Vågå!

2010-08-10T12:14:00.002+02:00

Professor i musikkvitskap og forfattar Jon Roar Bjørkvold kjem til Vågå 16. og 17.september for å møte foreldre, lærarar og andre interesserte. Han skal også gje gode råd i skule- og samfunnsutviklingsprosjektet vårt.

På kvelden 16.september blir det ope møte i kulturhuset. Vi kan love ein kveld med mykje musikk, kloke ord og innspel til korleis vi kan stimulere alle sansane til ungane våre. Denne kvelden vil vere relevant for både lærarar, tilsette i barnehage og skule, foreldre og elles alle innbyggjarane i Vågå.

17.september vil Jon Roar møte alle dei fire undergruppene i skule- og samfunnsutviklingsprosjektet, samt prosjektgruppa.

Norm for lærartettleik?

2010-08-02T13:41:00.002+02:00

I dag kan vi høyre bekymringsfulle rapportar om at bruk av assistentar i skulen aukar på bekostning av lærarar. Utdanningsforbundet trur årsaken til dette er økonomi, og vil krevje ein nasjonal norm for lærartettleik.

Tal frå Grunnskolenes Informasjonssystem (GSI) viser at bruk av assistentar på 1–10 trinn har auka med nesten 40 prosent sidan 2005. I same periode har talet på årsverk for undervisningspersonale gått ned.

Det som kanskje er mest bekymringsfullt med desse tala, er at tilsette med formell utdanning blir erstatta av tilsette utan formell utdanning. Ofte blir også assistentane set til å ta seg av spesialundervisning, noko dei ikkje har formell kompetanse innanfor.

Kva meiner du? Bør vi ha minstestandard for lærartettleik? Er dette eit problem også i Vågå? Eller er det kanskje andre ting som er viktigare å få ordna opp i?

Vågå fjellstyre og skulen

2010-07-28T16:16:00.003+02:00

Vågå fjellstyre forvaltar bruksrettane til seter og beite, samt jakt, fangst og fiske i Langmorkje og Nordherad statsallmenningar i Vågå kommune. Langmorkje statsallmenning ligg på sørsida av Ottadalen og med eit areal på vel 884 km². Nordherad statsallmenning ligg på nordsida av Ottadalen (areal på vel 24 km²). Det vil seie at ein stor del av Vågå kommune er statsallmenning (burde bli omlag 70 % etter mine reknekunnskaper).

Dei viktigaste oppgåvene for fjellstyret er å administrere bruken og utnyttinga av statsallmenningane til beste for dei med bruksrett og allmenta, på ein måte som fremjar næringslivet i bygda, og som tek omsyn til naturvern- og friluftsinteressene.

På grendemøta vi har hatt i kommunen, så er eitt av dei aller mest vanlege innspela vi har får, å bruke lokalsamfunnet meir, og at eit av dei største fortrinna våre er naturen vår, og jakt-, fangst- og fisketradisjonane våre. Tilsette meiner det er ein skam vi ikkje bruker naturen meir, når han ligg rett ved oss, men også her i Vågå så manglar vi peng til ekskursjonar og til buss.

I dag har Fjellstyret samarbeid med skulane om eit opplegg for 7.trinn der dei reiser på overnattingstur med fisking på hausten. Det er viktig at elevane lærer seg om naturen, og korleis dei kan bruke han. Og sidan det blir fiska for lite i Vågå, så er det viktig at elevane får oppleve gleden av å fiske (for dei fleste tykkjer det er veldig moro!).

Vågå fjellstyre ønskjer å medverke meir i forhold til skule og barnehage. Dei låner bort lavvo, garn, båtar og hytte til skular og barnehage. Dei ønskjer også å medverke meir, men her er det også skuleverk og innbyggjarar som må kome med innspel til kva Fjellstyre kan medverke i forhold til. Kva er viktig at elevane lærer om? Korleis kan vi samarbeide med Fjellstyret? Og kva bør elevane lære om dei 900 km² som Fjellstyret forvaltar?

Nasjonalt senter for kunst og kultur i opplæringa støtter forprosjektet

2010-07-26T10:51:00.004+02:00

Nasjonalt senter for kunst og kultur i opplæringa støttar forprosjektet i Vågå med 40 000 kroner, og vil i tillegg vere rådgjevande samarbeidspart i prosjektet. Nasjonalt senter for kunst og kultur i opplæringa vart oppretta 1.januar 2007, og har mellom anna som oppgåve å hjelpe skuleeigar i arbeidet med estetiske fag i skulen.

Pengane vil bli brukt til arbeid med estetiske fag i skule og barnehage i løpet av neste skuleår. Det er ikkje endeleleg bestemt kva pengane skal brukast til, men alle opplæringsinstitusjonane i Vågå vil få nytte av støtte. I tillegg håper vi å invitere alle innbyggjarane i Vågå til anten i utstilling eller forestilling, slik at satsinga kjem heile samfunnet vårt til gode.

Kulturskulen sin plass i opplæringa

2010-07-15T15:01:00.003+02:00

I løpet av dette året, så skal vi legge fram forslag til korleis kulturskulen skal organiserast og kva for plass kulturskulen skal ha i forhold til skule og barnehage. Rett før sommaren vart det nettopp vedteke ein kulturskuleplan som er ambisiøs, og der ein set seg som mål at kulturskulen skal ha ein viktigare plass både i forhold til skule og samfunn elles.

Kulturskulen skal gi tilbod innanfor musikk, dans, teater og visuelle kunstfag. Det skal skulen også gjere. Men i kulturskulen er det ofte tilsett profesjonelle utøvarar, og ein har moglegheit til å gå meir i djubden. Undervisninga er friviljug, etter skuletid og det er eigenbetaling. Likevel er det mange som er elevar i kulturskulen her i Vågå.

Likevel ønskjer ein at fleire skal gå i kulturskulen, det er eit ønskje om redusert foreldrebetaling, ein ønskjer eit breiare tilbod og det er vanskeleg å rekruttere tilsette når dei ikkje får tilbod om heile stillingar og må jobbe på kveldstid.

Gruppa som jobber med estetiske fag skal sjå på korleis vi skal organisere kulturskuletilbodet framover, og korleis vi kan bruke kompetansen til kulturskule inn i barnehage og skule. Kva meiner du? Bør vi gje kulturskuletilbodet på dagtid og i skuletida? Bør vi gje nokre tilbod til alle elevane som er gratis? Korleis bruke dei tilsette i kulturskulen i skulen? Kva for tilbod bør kulturskulen gje?

Forbrukersamfunn og miljøengasjement

2010-07-12T13:01:00.003+02:00

Noko av det viktigaste vi kan lære opp elevane våre til, er å ta ansvar for jordkloda dei lev på, slik at ho blir vidareført til dei neste generasjonanen slik vi sjølv skulle ønskje ho ville sett ut når vi overtok ho. Bærekraftig utvikling er eit omgrep brukt av ein tidlegare statsminister, og er noko vi ikkje må gløyme. Det er diverre mange signal som tyder på at utviklinga på jorda er alt anna enn bærekraftig.

Det har mellom anna i sommar vore skremmande rapporter på ungdom på festival som let utstyret ligge att fordi det koster så lite, att dei ikkje gidd ta det med seg, forsøplinga på sommarstid er enorm (tenk berre på eingangsgrillane som ligg att overalt) og vi tek i liten grad ansvar for dei miljøødeleggingane vi står for sjølv. Kanskje mykje fordi vi korkje ser konsekvensane for eigen lommebok og for eiget liv?

Korleis skal vi lære opp elevane til å bli miljøangasjerte, og til å ta ansvar for naturen, for jorda og for alle menneskene som bur her?

Ein time fysisk aktivitet i skulen?

2010-07-08T14:51:00.003+02:00

Undergruppa som jobber med matkultur og fysisk aktivitet skal sjå på moglegheiten til å få til ein times fysisk aktivitet kvar dag i skulen. Får vi det til, så vil vi vere tidleg ute og bli modell for andre, sidan det er få andre som har klart å få det til (einaste kjente unntak er Trudvang skule i Sogndal).

Grunngjevinga er sjølvsagt at norske ungar beveger seg for lite, og at fedme og livsstilssjukdommer auker. Det er også anbefalt at vi er aktive minst 60 minutt kvar dag.

Bør vi jobbe for ein times fysisk aktivitet kvar dag i skulen i Vågå, eller skal dette være eit privat ansvar? Viss vi skal jobbe for det, korleis skal vi få det til? Ta tid av andre fag eller skal vi utvide skuledagen?

Skulemåltid i Vågå?

2010-07-05T12:09:00.003+02:00

Undergruppa for matkultur og fysisk aktivitet har fått i oppgåve å sjå på om vi skal innføre frukost og/eller lunsj i skulen i Vågå. Dette er eit tema det er mange meiningar om, og det er mange måter dette kan organiserast på. Noko det ikkje er tvil om, er at skular der dei har innført skulemåltid, der er både elevar og foreldre nøgd, og eit fleirtal av foreldre i Noreg er positiv til skulemåltid.

Det er eit mål at ein skal prøve dette i Vågå, men kva for ordning skal vi gå for? Brødmåltid der elevane smør maten sin sjølv? bestilt matpakke som elevane får utdelt saman med frukt og grønt og drikke? Eller skal vi slå til med eit varmmatmåltid?

Og viktigare..korleis skal vi bruke våre lokale fortrinn i forhold til dette? I Italia har dei økologisk skulemat basert på det lokale landbruket. Er det noko vi kan få til her i Vågå, og korleis skal vi i så fall få til det utan at det blir altfor dyrt?

Er svømmeundervisninga i Vågå god nok?

2010-07-01T15:44:00.003+02:00

Svømmeundervisninga er på nytt komen på dagsorden, etter ei tragisk drukningsulykke. Norges svømmeforbund meiner norske styresmakter har svikta totalt, og at det må løyvast meir peng til svømmeopplæring.

I følge samme sak i Nettavisen er det berre halvparten av tiåringane i Noreg som kan symje, og at sentrale og lokale politikarar har svikta i forhold til dette.

Står det like ille til i Vågå, og kva kan vi i så fall gjere for at alle elevane våre skal lære seg å symje?

Vi vil gjerne ha tips og idear i forhold til dette. For det er ingen tvil om at det er viktig at alle elevar lærer seg å symje, slik at vi kan hindre tapte menneskeliv. Det har vi ikkje råd til.

Berre 15,2 % med høgare utdanning i Vågå

2010-06-30T09:12:00.002+02:00

For nokre dagar sidan kom tal frå Statistisk sentralbyrå som viser utdanningsnivået i ulike kommunar i Noreg. Statistikken viser at Oppland er det fylket i landet med nest-lågast utdanningsnivå, berre "slått" av Hedmark. I Oppland har 17,1 % høgare utdanning inntil fire år, og 3,6 % har over fire år. Til samanlikning er talet i Oslo 28,8 % og 14,9 %.

I Nord-Gudbrandsdalen står det enno "dårlegare" til. I Vågå er det 15,2 % som har høgare utdanning, og i Nord-Gudbrandsdalen er vi berre "slått" av Sel, der 14,7 % har høgare utdanning. Dei andre kommunane i regionen ligg på omlag 16 og 17 %, så det er ikkje store skilnader.

Årsaken til dette er i stor grad at dei som ønskjer å ta høgare utdanning må ut av regionen til dei store utdanningsinstitusjonane, og i liten grad vel dei å kome attende. Det er difor både folk og kompetanse som flytter ut av regionen. Sjølvsagt er det mykje uformell kompetanse som er att, og det er mange som klarar å skape store verdiar og mange arbeidsplassar utan universitetsutdanning. Desse må vi ta vare på, og vi ønskjer fleire som skapar verdiar i regionen, med eller utan formell høgare utdanning, basert på kva vi har i Vågå.

Men er det eit problem at det er lågt utdanningsnivå i Vågå, og viss ja, kva skal vi i så fall gjere med dette?

Korleis skal vi fjerne mobbing i skulen?

2010-06-23T09:29:00.002+02:00

Norsk skule har ikkje klart å lukkast med å fjerne mobbing blant elevane våre. I Elevundersøkinga svarer omlag 1 av 10 (8,5%) at dei blir mobba fleire enn to gonger i månaden. Dette er for mykje, og vi er sjølvsagt ikkje nøgde før vi ikkje har noko mobbing i skule og barnehage her i Vågå.

Men korleis skal vi klare det? Korleis skal vi møte utfordringar med mobbing? Har du historier du vil fortelje om dette eller tiltak du vil foreslå i skulane i Vågå? Send oss ein mail eller legg att ein kommentar på bloggen her.

Målet vårt er skular der alle elevane gleder seg til å gå på skulen kvar dag. I ein slik skule finst ikkje mobbing.

Vi tek ikkje sommarferie

2010-06-22T11:54:00.002+02:00

Elevar og tilsette i skulane har no take ein velfortent somarferie, og skal lade batteria til eit nytt skuleår. I barnehagane er det fortsatt liv og røre. I samband med skule- og samfunnsutviklingsprosjektet vårt, så har vi ikkje tid til å ta sommarferie om vi skal klare å bli ferdig i løpet av året.

Men at det er litt roligare i skule og barnehage gjer at det er betre tid til å besøke og prate med andre aktørar i kommunen. Har du ein bedrift og ønskjer samarbeid med skulane? Har du kompetanse du ønskjer å dele med skule og barnehage? Vi tek gjerne ein prat med deg, så ta kontakt med prosjektleiar om du vil slå av ein prat.

Elles skal Kommunestyret få orientering om prosjektet i dag, samtaler med fleire tilsette pågår og både gruppa for IKT og estetiske fag skal ha møte i løpet av sommaren.

Kunst og kultur i barnehagen!

2010-06-17T12:57:00.003+02:00

I går var det høgtidleg opning av barnehagen Søre-Grindstugu. Barnehagen har riktignok vore open i eitt år, men det var fyrst i går det var snorklipping. Ordførar Rune Øygard var sjølvsagt til stades for å klippe snora, og det var flott underhaldning av ungane med song, og så vart det delt ut vitnemål til femåringane. Her ser du snorklipping:

Høgdepunktet var vel likevel då personalt dramatiserte eventyret om prinsessa og gullballen (den med ho bortskjemte som lovar seg bort til ein frosk, og som ikkje får lov å sleppe unna). Det er vel ingen hemmeligheit at Vågå i skule og barnehage ønskjer å satse meir på estetiske fag som mellom anna drama. Og minst like viktig som at ungane i skule og barnehage lærar seg drama, er at vi har personale som tør å prøve ut ting, ikkje er redde for å dumme seg ut, og som viser ungane at dei har det moro. Det viste personalet ved Søre Griundstugu i går, og vi håper å få sjå meir til slikt i skule og barnehage framover. Under kan du sjå bilete!

Heile samfunnet skal skape Noregs beste skule!

2010-06-15T15:42:00.003+02:00

Tusen takk til alle som har vore med på grendemøta våre. Vi har fått utruleg mange nyttige innspel, og det er skriven referat frå alle grendemøta og dette er formidla ut til prosjektgruppa vår, rektorkollegiet og det vil også bli brukt av arbeidsgruppene i prosjektet. Det som har blitt sagt, blir tatt med vidare i arbeidet vårt, og vi tek alle innspel alvorlig. Så er det sjølvsagt slik her, som alle andre plassar, at ikkje alle får det som dei vil. Men vi skaper no engasjement rundt skule og samfunnsutvikling, og det er bra! Vi håper alle i Vågå blir med i dugnaden for å skape Noregs beste oppvekstmiljø.

Sjølv om grendemøta er over, så håper vi at folk engasjerer seg i dette prosjektet også i tida framover. Det er Vågå kommune sitt store utviklingsprosjekt om dagen, og vi vil ha heile kommunen med. Vil du ha besøk av oss i prosjektet eller har du innspel? Ta kontakt med oss! Vi kjem på besøk til bedrifter eller friviljuge lag og organisasjonar. Alle enkeltindivid som vil komme med sin meining, er hjarteleg velkomen til det.

I morgon skal prosjektleiar og sektorsjef ha spanande møte med ein kjend forskar, på torsdag er det mellom anna 10.klasseavslutning og på fredag skal prosjektleiar og næringskonsulent besøke Oppland Stål. Fleire oppdateringer føljer!

Siste grendemøte ut i dag!

2010-06-14T13:49:00.002+02:00

I dag er det grendemøte på Tessand klokka 19. Det er siste grendemøte ut for denne gong, så får vi sjå om vi køyrer ny runde når vi har noko meir konkret ut på hausten.

Det blir spanande å sjå om Tessand klarer å slå rekorden på 27 oppmøtte i Skogbygda. Og vi håper også på engasjement og innspel til korleis vi skal lage Noregs beste skule!