Ei spanande neste veke!

På måndag skjer det store ting i skule- og samfunnsutviklingsprosjektet vårt. Då blir dei fire rapportane frå dei fire undergruppene som har jobba hektisk sidan april, lansert. Vi har hatt fire undergrupper som har jobba:

1. Estetiske fag
2. Matkultur og fysisk aktivitet
3. IKT
4. "Det globale i det lokale"

Alle fire undergruppene, som har vore sett saman av lærarar, foreldre, elevar, næringsliv, frivillige lag og politikarar, har hatt nokre hektiske månader. No skal arbeidet deira bli presentert for heile Vågå.
På torsdag skal det vere felles møte mellom leiarane (som du ser på bilete over) av dei fire undergruppene og prosjektgruppa. Prosjektgruppa har ansvar for å sy saman rapportane til eit heilskapleg produkt, og ein prosjektrapport, som skal vere ferdig i desember.

Følg med på måndag. Klokka ni blir rapportane lansert!