Måndag 9.mai kjem statsminister Jens Stoltenberg til Vågå for å opne nye Vågåmo skule og for å bli orientert om Vågå kommune sin satsing på skule- og samfunnsutvikling.
Statsministaren vil kome til Vågå rett før klokka 13, og vil møte både ordførar, rektor og elevar ved Vågåmo skule. Der vil han få høyre meir om Vågå kommune sin satsing på skule og bli orientert om den nye satsinga på digitale verktøy Vågå er i gang med. Tilsette og elevar ved 3.trinn vil då demonstrere nytt utstyr. Seinare vil han mellom anna møte ordførarar i regionen, Arne Brimi og friviljugsentralen.
Vi ønskjer statsminister Jens Stoltenberg hjarteleg velkomen til Vågå!
Ingen kommentarer:
Legg inn en kommentar